Koronavırýs • 02 Sáýir, 2020

Koronavırýstyq ınfeksııaǵa qarsy kúreske 23,4 mlrd teńge bólindi

17 retkórsetildi

Memlekettiń daǵdarysqa qarsy is-sharalar jospary daıyn. Onda  salyqtyq preferensııalar men qoldaýdy eseptemegende, daǵdarysqa qarsy sharalarǵa qosymsha  5,9 trln teńge kózdelip otyr. Onyń ishinde 2 jarym trln teńge bıýdjetten tys qarajat esebinen kózdelse, 3 jarym trln teńge respýblıkalyq bıýdjet esebinen qarjylandyrý josparlanǵan. Bul týraly Prezıdent janyndaǵy Ortalyq Kommýnıkasııalar qyzmetiniń alańynda ótken jıynda Qarjy mınıstrliginiń birinshi vıse-mınıstri Berik Sholpanqulov málimdedi.

Jıyn barysynda belgili bolǵandaı makroekonomıkalyq kórsetkishterdiń ózgerýine baılanysty 315,6 mlrd teńge keshendi is-sharalarǵa baǵyttalyp otyr. Osy qarajat esebinen aǵymdaǵy jyldyń 1 sáýirinen bastap áleýmettik tólemderdi ındeksteý jáne shetel valıýtasy baǵamynyń ózgerýine baılanysty shyǵystardy jabý júzege asyrylmaq. Buǵan qosa, Memleket basshysynyń jekelegen tapsyrmalaryn iske asyrýǵa 293,3 mlrd teńge baǵyttaý usynylyp otyr. Birinshi qarjy vıse-mınıstriniń aıtýynsha, koronavırýstyq ınfeksııanyń paıda bolýy men taralýyna jol bermeý jónindegi is-sharalardy qarjylandyrýǵa, sondaı-aq áleýmettik mańyzy bar azyq-túlikterdi satyp alýǵa Úkimet rezevrinen búgingi kúnge deıin 39,1 mlrd teńge bólingen.

̶  Koronavırýstyq ınfeksııaǵa qarsy kúres boıynsha júrgiziletin epıdemııaǵa qarsy sharalarǵa jalpy somasy 23,4 mlrd teńge bólindi. Sondaı-aq, jeke qorǵaný quraldaryn, dezınfeksııalaý quraldaryn, dárilik zattar men medısınalyq buıymdardy satyp alýǵa – 20,6 mlrd teńge, koronavırýsty anyqtaý úshin teplovızorlardy, zerthanalyq jabdyqtardy jáne test-júıelerdi satyp alýǵa – 2,7 mlrd teńge, Qazaqstan azamattaryn Qytaıdan kóshirýge 131 mln teńge bólindi, – dedi B.Sholpanqulov. Sonymen qatar, atalǵan qarajat aıasynda óńirlerge jeke qorǵaný quraldaryn, dezınfeksııalaý, dári-dármek jáne medısınalyq buıymdardy satyp alýǵa 11,6 mlrd teńge aýdaryldy. Onyń ishinde Nur – Sultan men Almaty qalasyna  ̶  1,4 mlrd  teńgeden, Shymkent qalasyna  ̶ 605 mln teńge baǵyttalǵan.

Qarjy mınıstrliginiń birinshi vıse-mınıstriniń aıtýynsha, Memleket basshysynyń tapsyrmasy sáıkes 2020 jylǵa arnalǵan bıýdjetti naqtylaý sheńberinde epıdemııaǵa qarsy sharalarǵa qosymsha 125 283,5 mln teńge qarastyrylady. Onyń ishinde karantın kezinde densaýlyq saqtaý júıesiniń qyzmetkerlerin yntalandyrýǵa ̶ 40 609,8 mln teńge, koronavırýstyq ınfeksııamen aýyratyn adamdardy jáne kúdikti emdeýge jatqyzylǵan adamdardy emdeý úshin, sondaı-aq COVID-19 jańa koronavırýstyq ınfeksııamen aýyratyn naýqastarmen qarym-qatynasqa kúdikti oqshaýlaý maqsatynda medısınalyq uıymdarǵa medısınalyq qyzmetter úshin 19 509,6 mln teńge qarastyrylmaq. Sonymen qatar, Nur-Sultan, Shymkent jáne Almaty qalalarynda 3 medısınalyq modýldik keshen qurylysyna 14 800 mln teńge bólinbek.  

Memlekettiń ekonomıkany qoldaýǵa baǵyttalǵan keshendi sharalary kezinde shaǵyn jáne orta kásipkerlikti salyqtan bosatý týraly sheshim qabyldady. Bul eń aldymen memleket qazynasyna salyq esebinen túsetin tabystyń kemýine ákeledi. Budan bólek qazirgi munaı baǵasynyń kúrt tómendeýi de ekonomıkasy shıkizatqa táýeldi bizdiń el úshin ońaı bolmaıtyn dep tur.  B.Sholpanqulov baıandamasynda bıýdjetke túsetin kirister jaıynda aqpart berildi. Shaǵyn jáne orta kásipkerlerdi salyqtan bosatqan 3 aı ishinde respýblıkalyq jáne jergilikti bıýdjetke shamamen 1,2 mlrd teńge túspeıtini anyqtalyp otyr. Buǵan qosa, Qarjy birinshi vıse-mınıstri B. Sholpanqulovtyń buǵan deıin munaı men munaı ónimderiniń eksportyna tikeleı baılanysty eksporttyq kedendik baj 700 mlrd teńgege deıin tómendetilgenin, endi bul soma 300 mlrd teńgege deıin tómendegenin aıtty. Boljam boıynsha, munaı baǵasy 20 dollardan asatyn bolsa, eksporttyq kedendik baj salyǵy boıynsha bıýdjetke eshqandaı túsim túspeıdi.

Sońǵy jańalyqtar

Abaı murasy Bishkekte talqylandy

Rýhanııat • Keshe

Uqsas jańalyqtar