Qoǵam • 02 Sáýir, 2020

Birgemiz2020.kz resmı saıty iske qosyldy

1031 retkórsetildi

«Birgemiz» Qoǵamdyq qory túsken qarajat pen aımaqtar boıynsha kórsetilgen kómek týraly barlyq aqparat turaqty túrde jarııalanyp otyratyn birgemiz2020.kz resmı saıtyn iske qosty. Portaldy eriktiler tegin jasap berdi.

Munda barlyq qaıyrymdylyqtar bólek baǵanda kórsetiledi jáne ol qarajattyń túsýine qaraı jańartylyp otyrady. Kompanııalardyń jarnalary «Qaıyrymdylyq jasaýshylar men seriktester» segmentinde kórsetilgen. Sonymen qatar oryn alǵan  jaǵdaıǵa beıjaı qaramaıtyn qazaqstandyqtar saıtta kórsetilgen derektemeler boıynsha, erikti bolýǵa nemese qarjylyq kómek jiberýge ótinish qaldyrý múmkindigine ıe bolady.

Sondaı-aq uıymnyń saıtynda árbir aımaqtyq qor týraly aqparattar beriledi. Munda muqtaj adamdar óz óńirindegi qormen tikeleı baılanysyp, suraqtaryn qoıa alý úshin, jergilikti jerdegi jaýapty tulǵalar men olardyń baılanys málimetteri kórsetiledi.

«Biz úshin qor jumysynyń ashyqtyǵyn kórsetý óte mańyzdy. Sondyqtan saıtqa kirýshilerdiń árbiri bul jerden banktik úzindi kóshirmelerimen birge usynylatyn esepterdi taba alady. Qıyn kúnderde otandastarymyzdy qoldaý úshin qaıyrmaldyq jasaǵan barlyq qazaqstandyqtarǵa jáne elimizdiń kompanııalaryna alǵys aıtamyz», - dedi qor tóraǵasy Rýslan Sákeev.

Eske sala keteıik, «Birgemiz» qoǵamdyq qory elimizdiń Tuńǵysh Prezıdenti Nursultan Nazarbaevtyń bastamasymen, COVID-19 pandemııasy jaǵdaıynda turǵyndardyń áleýmettik álsiz toptaryn qoldaý maqsatynda 2020 jyldyń 20 naýryzynda quryldy.

Qazaqstandyqtarǵa úndeýinde Elbasy memlekettik deńgeıde qabyldanyp jatqan sharalar qazirgi qıyn ahýalǵa saı der kezinde qolǵa alynǵanyn atap ótti. Sonymen qatar, ol osynaý syn saǵatta ortaq isten eshkim de syrt qalmaýǵa tıis ekenin aıtty.

«Zaýaldy eńserý úshin basqa da qosymsha resýrstardy jumyldyrǵan jón. Árbir azamat óziniń qolynan keletin úlesin qosýǵa tıis. Men bul qıyn kezeńde el-jurtqa kómekteskisi keletin jáne járdem bere alatyn adamdardyń qarajaty jınaqtalatyn Respýblıkalyq qor qurýdy usynamyn. Jalpy, koronavırýsqa qarsy kúreske arnalǵan qarajattyń durys jumsalýyn «Nur Otan» partııasy baqylaýynda ustaıdy dep oılaımyn. Elimizdiń kómekke muqtaj árbir azamatyna qamqorlyq kórsetilýi tıis», - dedi Nursultan Nazarbaev.

О́z kezeginde Qor jumysynyń ashyqtyǵy men eseptiligin qamtamasyz etý úshin, quramyna belgili qoǵam jáne memleket qaıratkerleri, azamattyq qoǵam ókilderi men jastar kiretin qamqorshylyq keńesi baqylaý júrgizetin bolyp sheshildi. Obektıvti jumys istep, qor qarjysyn bólý úshin basshylyqqa alynatyn negizgi 10 qaǵıdat bekitildi. Atap aıtqanda:

- Erikti jarnalar men qaıyrmaldyq kómek;

- Adrestilik (halyqtyń áleýmettik álsiz toptaryn, jasyna baılanysty COVID-19 juqtyrý qaýpi joǵary jandardy, koronavırýstyń zardabyn shekken jáne áleýmettik-ekonomıkalyq qıyndyqtarǵa ushyraǵan turmysy tómen qazaqstandyqtardy qoldaý);

- Kómektiń ádildigi;

- Qolma-qol aqshasyz jáne baılanyssyz kómek;

- Qor qyzmeti ınfeksııanyń taralýyna baılanysty eldegi TJ-dyń uzaqtyǵymen shekteledi;

- Qor qarajatynyń maqsatty jumsalýy (ákimshilik, uıymdastyrýshylyq shyǵystary «Nur Otan» partııasynyń qaıtarymsyz kómegi esebinen óteledi);

- Únemdilik jáne tıimdilik (qajetti taýarlardy satyp alý kezinde onyń básekelik negizde sapasy men qunynyń ońtaıly qatynasy talaptaryn saqtaý);

- Qazaqstandyq óndirýshilerdi qoldaý;

- Qor qarajaty men memlekettik bıýdjet arasynyń naqty ajyratylýy;

- Qor qyzmetiniń ashyq jáne aıqyn júrgizilýi (BAQ-ta esep berý,  esepterdi saıtta jarııalaý).

Sońǵy jańalyqtar

Tapsyrmalar zań normasyna endi

Pikir • Búgin, 07:44

Qoly sheber, isi bekem

Aımaqtar • Búgin, 07:29

Munaı-gaz sektorynyń syn saǵaty

Ekonomıka • Búgin, 07:22

Qomaqty qarjy bólinedi

Pikir • Búgin, 07:20

Estir qulaq esti bolsa...

Saıasat • Búgin, 07:19

Mal baqqanǵa bitedi

Aımaqtar • Búgin, 07:10

Jatyr moıny obyrynyń aldyn alady

Medısına • Búgin, 06:57

Zulmat zardaby

Tarıh • Búgin, 06:54

Jaýapkershilik júgi aýyr

Koronavırýs • Búgin, 06:50

Ulttyq mekteptiń úlgisi qajet

Pikir • Búgin, 06:50

Qala damýyna qarqyn beredi

Ekonomıka • Búgin, 06:46

Dala danyshpany

Abaı • Búgin, 06:43

Turar Rysqulov tálim alǵan mektep

Tarıh • Búgin, 06:38

Halyq únemdeýge kóshti

Ekonomıka • Búgin, 06:35

Indetti tártip jeńedi

Koronavırýs • Búgin, 06:31

Uly náýbet: qasireti men taǵylymy

Tarıh • Búgin, 06:30

Tyńaıtqysh topyraqty qunarlandyra ma?

Ekologııa • Búgin, 06:27

Abaı murasy Bishkekte talqylandy

Rýhanııat • Keshe

Uqsas jańalyqtar