Aımaqtar • 02 Sáýir, 2020

Amandyq Batalov dúkendegi baǵa turaqtylyǵyna baqylaý júrgizdi

31 retkórsetildi

Almaty oblysynyń ákimi Amandyq Batalov Taldyqorǵan «Magnum» saýda jelisiniń dúkenine bardy. Baǵasynyń ósýin baqylaý maqsatynda dúken aralaǵan aımaq basshysy sórelerde tutynýǵa qajetti 19 túrli áleýmettik mańyzdy taýardyń turǵanyn  jáne olardyń barlyǵy da tómen baǵada ekenin kórdi.

Qazir saýda núktesinde jalpy barlyq taýarlar jetkilikti kólemde, mundaǵy azyq-túliktiń 50 paıyzy otandyq ónim, sonyń ishinde jergilikti sút, sút ónimderi, nan, nan ónimderi men makaron jáne kondıter ónimderi bar. «Magnum» saýda jelisi barlyq sanıtarlyq talaptar men uıǵarymdar saqtaýǵa kóshken. Aýmaqta dezınfeksııalaý sharalary turaqty júrgiziledi, kelýshiler úshin qoldy jýýǵa arnalǵan sanıtaızerler qoıylǵan. Dúken kireberisinde arnaıy teplovızormen satyp alýshylardyń dene qyzýy ólshenedi eken. Jalpy, Taldyqorǵanda «Magnum» saýda jelisine qarasty eki dúken ǵana bar. Oblys ákimi Amandyq Batalov sala basshylaryna qalanyń ońtústik-batystaǵy jańa turǵyn aýdanynan taǵy bir dúken ashý múmkindikterin qarastyrýdy tapsyrdy.

-  Turǵyndar barlyq qajettilikpen tolyq kólemde qamtamasyz etilýi kerek. Saýda núktelerinde áleýmettik mańyzdy taýarlardyń baǵasy men olardyń bar bolýyna turaqty baqylaý jasaımyz. Áleýmettik mańyzdy taýarlardyń baǵasy men olardyń bolýyn qamtamasyz etýge baǵyttalǵan sharalar qabyldadyq. Qazir «Jetisý» áleýmettik korporasııasy arqyly oblystaǵy iri saýda núktelerimen jáne aýyl sharýashylyǵy taýar óndirýshilerimen kelisimshart jasalýda, sonyń negizinde kásipkerler bank kepildigine aınalym qarajatyn ala alady. Bul qatarda «Magnum» saýda núkteleriniń dúkenderinen basqa da naryqta birneshe jyldan beri jumys istep kele jatqan iri jáne orta dúkender bar. Búgingi kúni bul maqsatqa oblys bıýdjetinen biz 1 mlrd teńge bóldik. Qosymsha taǵy 1 mlrd teńge bólýdi josparlap otyrmyz, - dedi olys ákimi Amandyq Batalov.

Sońǵy jańalyqtar

Dala danyshpany

Abaı • Búgin, 06:43

Turar Rysqulov tálim alǵan mektep

Tarıh • Búgin, 06:38

Indetti tártip jeńedi

Koronavırýs • Búgin, 06:31

Tyńaıtqysh topyraqty qunarlandyra ma?

Ekologııa • Búgin, 06:27

Abaı murasy Bishkekte talqylandy

Rýhanııat • Keshe

Uqsas jańalyqtar