Qoǵam • 02 Sáýir, 2020

«Jedel járdemniń» jaýjúrek dárigeri

478 retkórsetildi

Juqpaly indettiń aldyn alý jalpy qoǵamnyń da, jeke adamnyń da tikeleı mindeti ekeni anyq. El boıynsha jarııalanǵan tótenshe jaǵdaı men jekelegen aımaqtardaǵy karantınniń engizilýi, qaýipsizdik sharasynyń kúsheıýi koronavırýs zardabynyń óte aýyr ekenin aıǵaqtaıdy.

Qazir adamzattyń kúni oqshaýlaný men medısına qyzmetkerlerine qarap turǵany ras. Aqıqatynda ınfeksııa taraǵan núktelerde qaımyqpaı jumys istep júrgen dárigerlerge degen qurmet pen syı sheksiz bolýy tıis. Indettiń jappaı taralýyna jol bermeý úshin ári dert juqtyrǵan naýqastardyń ómiri úshin janqııarlyqpen jumys istep jatqan qazaq dárigerleriniń sapynda Almaty oblysynyń aq jeleńdi abzal jandary da bar. Aımaqtaǵy emhana, aýrýhanalardy aıtpaǵanda, sanıtarlyq beketter men karantındik postarda táýlik boıy kezekshilik etip otyrǵan medısına qyzmetkerleriniń úlken shoǵyry sát saıyn qaýip pen qatermen betpe-bet kelýde. Qazir oblys boıynsha barlyǵy 103 post ashylǵan bolsa, onyń ishinde 57 sanıtarlyq beket jáne 46 karantındik blok-postta kemi úsh mamannan quralǵan top jolaýshylardyń densaýlyǵyn tekserip, jaǵdaıdy qadaǵalaýda. Ásirese, «Jedel járdem» qyzmetiniń dárigerleri ýaqytpen sanaspactan eńbek etip keledi. Máselen, Jambyl aýdandyq ortalyq aýrýhanasy jedel járdem qyzmetiniń dárigeri Gúlnara Ibragımova antyna dal aq jeleńdi jannyń biri.

О́zbekstanda dúnıe esigin ashqan Gúlnara Samarqandaǵy medısına ınstıtýtyn bitirgennen keıin túrli deńgeıdegi emhana, aýrýhanalarda talmaı eńbek etip keledi eken. Terapevt dáriger áýelgide ózbek topyraǵyndaǵy Terez ben Qarshy eldi mekenderinde, keıinen Táshken shaharynda Gıppokrat antyna adal bolyp, adam janyna arashashy bola bildi. Qazaqstanǵa qonys aýdarǵan jyldary Almaty qalasynyń jedel járdem qyzmetinde dáriger bolyp ornalasqan. Bilikti mamannyń kásibıligi qaladaǵy qansha adamnyń ómirin saqtap qalýǵa sep bolǵanyn sanap jatý artyq bolar edi. Odan keıingi eńbek jolyn Uzynaǵash aýylynda, Jambyl aýdandyq aýrýhanasynda jalǵastyrdy. Munda da súıikti isi – jedel járdem qyzmetine keldi. Qazir de aýdandaǵy úzdik dárigerlik brıgadanyń múshesi.

- О́kinishke qaraı, aýmaqta juqpaly indettiń taralý aýmaǵy jyldam ósip keledi. Bul turǵyndardyń ómirine tónetin qaýipti eseleı túsedi. Adamdar oqshalaý tártibine qaramastan qaýipsizdik talaptaryn saqtaýǵa beıil emes. Mundaı jaǵdaıda dárigerlerdiń jumys aýyrlaı beredi. Qazir bizdiń aýdannan koronavırýs juqtyrǵan naýqas anyqtaldy. Qıyny, biz sol naýqaspen betpe-bet keldik. Saqtyq sharasyn saqtaý bir basqa da, antqa adal dáriger bolyp qalý bir basqa. О́z basym kún saıyn qaýipke bas tigip, jumysyn adal atqaryp júrgen áriptesterime bas ıemin. Turǵyndar da muny túsinedi. Qazir «Jedel járdemge» qońyraý soǵatyndar sany kóbeıdi. Biz bárine úlgerip, ár sanat boıynsha kómek kórsetýge tyrysamyz, - deıdi  Jambyl aýdandyq ortalyq aýrýhanasy jedel járdem qyzmetiniń dárigeri Gúlnara Ibragımova.

Sońǵy jańalyqtar

Nur-Sultanda eki jańa kópir ashylady

Aımaqtar • Búgin, 09:57

Joldybaıdaǵy jol jóndelmeı tur

Aımaqtar • Búgin, 09:49

Pavlodarda kásiporyndar shyǵyny ótelgen

Aımaqtar • Búgin, 09:42

Zerendi qus fabrıkasy jetilip keledi

Aımaqtar • Búgin, 09:35

Petropavldyq eriktiler qylmyspen kúresedi

Aımaqtar • Búgin, 09:28

Gadjetti jıi súrtken de zııan

Tehnologııa • Búgin, 07:48

Taıaý Shyǵys taǵy da dúrlikti

Álem • Búgin, 07:36

La Lıga 8 maýsymda bastalady

Fýtbol • Búgin, 07:33

Abaı álemin beınelegen arýlar

Abaı • Búgin, 07:22

Munaıshylar áýletiniń tuńǵyshy

Tanym • Búgin, 07:16

Elektrondy qujat kúshine enetin kezeń

Tehnologııa • Búgin, 07:10

Kúngeı men kóleńke

Rýhanııat • Búgin, 07:05

Pákistanda ushaq qulady

Álem • Búgin, 07:05

Abaıtaný – HHI ǵasyr kóginde

Abaı • Búgin, 06:56

Et eksporttaıtyn elde et qymbat...

Ekonomıka • Búgin, 06:50

Bir áýlettiń taǵdyry

Tarıh • Búgin, 06:42

Eń tabysty tennısshi

Tennıs • Búgin, 06:35

Qazaqtyń kúmis kómeı ánshileri

Rýhanııat • Keshe

Uqsas jańalyqtar