Buǵan deıin áýe kompanııalary halyqaralyq 97 baǵyt boıynsha, el ishindegi 345 baǵyt boıynsha jolaýshy tasymaldaýdy júzege asyratyn. Indettiń taralýyna baılanysty bul baǵyttar tolyq toqtatyldy deýge bolady.
– Reısterdiń ashylý-ashylmaýy týraly sheshim Bas sanıtarlyq dárigerdiń usynysy boıynsha qabyldanady. Áýe arqyly júk tasymaly jalǵasa beredi, oǵan shekteý qoıylǵan joq, – dedi mınıstrdiń mindetin atqarýshy.
Sheteldegi Qazaqstan azamattaryn elge ákelý máselesimen Syrtqy ister mınıstrligi aınalysady. Vedomstvonyń tapsyrmasy boıynsha azamattardy elge ákelýge otandyq áýe kompanııalary daıyn tur. Osy jıynda aıtylǵandaı, búgin Ystanbul men Delıdegi azamattarymyz mingen eki áýe borty elge oralýǵa tıis.
Q.О́skenbaev jolaýshy tasymaldaıtyn 157 poıyzdyń 24-i ǵana júrip turǵanyn, olar temir jol salasy jumyskerlerin tasymaldaýǵa arnalǵanyn aıtty. Júk poıyzdary bolsa, esh shekteýsiz júrip jatyr.
– Syrttan keletin avtokólik marshrýttary túgel jabyldy. El ishinde qatynaıtyn avtobýstar da toqtady. Aqtaý men Quryqtaǵy teńiz porttarynda da sheteldik azamattar júretin sý kólikterine shekteý qoıyldy. Qazir porttardan tek júk tasymaldanady, – dedi ol.
Q.О́skenbaevtyń aıtýynsha, elimizde kún saıyn 1 mln medısınalyq maska tigiledi. Bul naýryz aıynyń basyndaǵy kórsetkishten 5 ese kóp. Onyń 325 myńyn farmasevtıkalyq kásiporyndar shyǵarsa, 680 myń maska tigin sehtarynda tigi-
ledi.
Kún saıyn 85 myń lıtrden astam dezınfeksııalaý quraldary shyǵarylady, qoımalarda 158 myń lıtr saqtaýly tur, dárihana jelilerine, kósheler men ǵımarattardy dezınfeksııalaýǵa 65 myń lıtr bólindi. О́kpeni jasandy jeldetý qurylǵylarynyń jetispeýshiligi de kópshilikti alańdatyp júrgeni málim. Baspasóz máslıhatynda aıtylǵandaı, Kókshetaýdaǵy «Tynys» AQ Densaýlyq saqtaý mınıstrliginiń tapsyrysy boıynsha 700-ge jýyq qurylǵy shyǵarýdy bastap ketti. Úkimettiń rezervinen óndiriske qajetti qarajat bólinedi.
