Jalpy, jalǵan aqparatty jyldam taratatyn jeliler arasynda WhatsApp top bastap tur eken. Orynsyz qaljyń men turpaıy ázildiń sońy tutas aýyldy dúrliktirgen jaǵdaı jıi qaıtalanyp jatqany jasyryn emes. Al qazirgideı karantın ýaqytynda juqpaly indettiń taralýy men naýqastarǵa qatysty dáleldenbegen aqparat taratyp, bólisý tipti aýyr qylmys bolyp sanalady. Dál osy jaǵdaı Almaty oblysynda birneshe márte qaıtalandy. Áýelgide Qapshaǵaı qalasynda qyzmet etetin dáriger koronavırýstyń taralýy jaıynda ázildeımin dep opyq jegen bolatyn. О́tkende Qaratal aýdanynyń ortalyǵy Úshtóbe qalasynan indet oshaǵynyń anyqtalǵany jaıynda jazba jarııalaǵan avtor da ustalyp, aıypty boldy. Jaqynda ǵana Jambyl aýdanyna qarasty Úmbetáli aýylynyń 31 jastaǵy turǵyny WhatsApp arqyly habar taratyp, óńirdegi Qaınazar men Uzynaǵash aýyldarynda eki adamnyń koronavırýs juqtyrǵany týraly jalǵan aqparatjoldap jibergen. О́kinishke qaraı, bul aqparattar dárgerlerdiń jumysyna kádimgideı kedergi keltiredi eken. О́ıtkeni, indet jaıly taraǵan qandaı da bolmasyn habar birinshi kezekte tekseriledi. Aqparatta aıtylǵan mekenge arnaıy brıgada baryp, jaǵdaıdy saraptap, indet oshaǵynyń bar-joǵyn naqtylap otyrady. Al munyń qanshalyqty qolaısyzdyq ákelip, tosyn shyǵynǵa batyratynyn baǵamdaı berińiz...
Qazir oblystyń barlyq aýdanyndaǵy ortalyq aýrýhanalardyń janynan koronavırýsqa qatysty jarııalanǵan jalǵan aqparatty anyqtaıtyn jedel top qurylǵan. Bul top qandaı bir habar taraǵan jerdi jedel anyqtap, indet belgisi baıqala qalǵan jaǵdaıda aldyn alý sharalaryn jasaıdy eken.
- Koronavırýs týraly qandaı da bolsyn jarııa bolǵan aqparatty jedel ári muqııat tekserýge mindettimiz. Biraq, jalǵan aqparat dárigerlerdiń jumysyna aıtarlyqtaı kedergi keltiredi. О́ıtkeni, el arasynda densaýlyq saqtaý salasyna qatysty qandaı da bir áńgime shyqqan jaǵdaıda, biz ony tekserip, onyń qaıdan shyqqanyn anyqtap bilýimiz kerek. Ol bizdiń osyǵan deıin atqarap tastaǵan jumysymyzdy qaıta qarap, tekserýge májbúrleıdi. Iаǵnı, biz mamandardyń basym bóligin osy jumysqa tartamyz da, dárigerler atqarýy tıis negizgi jumystar keıingi qalady. Sondyqtan azamattardyń tek tekserilgen, resmı anyqtalǵan aqparattarǵa ǵana júgingeni jón bolar edi, - deıdi Almaty oblysy densaýlyq saqtaý basqarmasynyń basshysy Baýyrjan Ysqaq.
Aıtpaqshy, ótirik-rasy anyqtalmaǵan kez-kelgen habardy kópshilikke taratý, qoǵamdyq ortada dúrbeleń týǵyzyp qana qoımaı, zań aldyndaǵy jaýap berýge májbúr etedi. Mysalǵa, tótenshe jaǵdaı kezinde jalǵan aqparat taratý faktisi Qylmystyq kodekstiń 274-babynyń 4-bóligi boıynsha jazalanady. Iаǵnı, jeke tulǵanyń jalǵan aqparat taratqan anyqtalsa, oǵan úsh jyldan 7 jylǵa deıingi merzimge quqyn shekteý nemese bas bostandyǵynan aıyrýǵa deıin úkim kesiledi.
