Jalpy, «Jumyspen qamtýdyń jol kartasy» aıasynda bólingen qarajatty tıimdi ıgergen jaǵdaıda bıyl Jetisýda 23 mektepti iske qosýǵa bolady eken. Al bul úsh aýysymdy mektep sanyn azaıtýǵa jol ashpaq. Qazir oblysta 32 úshaýysymdy mektep bar.
Aıtpaqshy, bólingen qarjy mektep qurylysynan bólek jergilikti jerdegi medısına mekemelerin jańa ǵımaratpen qamtýǵa múmkindik bermek. Búginde aımaqtaǵy 5 aýylda dárigerlik ambýlatorııa salý josparlanypty. Sondaı-aq «Jumyspen qamtýdyń jol kartasy» aıasynda óńirdegi 53 eldi mekenniń sýmen jabdyqtaý nysandary qaıta jańartylyp, jóndelmek. Taǵy 84 eldi mekende abattandyrý júrgizip, 220 eldi mekenniń 500 shaqyrym jolyn jasaý da osy qarajattyń esebinen josparlanǵan eken.
Almaty oblysy
