Mysyrdyń áskerı bıligi jańa narazylyq sherýdiń qaýipine oraı memleket astanasynda qaýipsizdik sharalaryn kúsheıte tústi. Bul týraly ITAR-TASS habarlap otyr.
Áskerı tehnıka narazylyq oshaǵy basylmaı turǵan Gıza men Madınat-Naser aýdandaryna kirgizildi. Munda beısenbi kúni polısııa qyzmetkeri oqqa ushqan bolatyn. Mysyr ishki ister mınıstrligi tártip buzǵandarǵa qarsy qarý qoldanylatynyn eskertti.
«Musylman baýyrlar» qozǵalysynyń jaqtaýshylary ózderiniń bas ıdeologtary Mohammed al-Beltagıdiń tutqyndalýy týraly habardy estigen soń jańa sherý uıymdastyrýǵa bel baılaǵan kórinedi.
Mysyrdaǵy jańa narazylyq sherýleri búgingi juma namazynan keıin bastalady dep kútilýde.
Aıdar О́risbaev.
