Qazaqstan chempıonatynyń 31 tamyz jáne 1 qyrkúıek kúnderi ótken premer-lıga komandalarynyń 25-týrynda 4:0 degen esep úsh ret qaıtalandy. Bir qyzyǵy, munyń ekeýi kúni keshe ǵana ÝEFA týrnırleriniń tórtinshi raýndy oıyndaryna qatysyp qaıtqan eki komandamyzǵa tıesili bolyp shyqty.
Alǵashqy osynda iri jeńiliske keshe óz alańynda Qostanaıdyń «Tobylyn» qabyldaǵan О́skemenniń «Vostogy» ushyrady. Bul kúni taǵy úsh oıyn oınaldy. Olardy Almatynyń «Qaıraty» óz alańynda «Astanaǵa» 1:2 bolyp jol berip aldy. Al «Taraz» óz alańynda Oraldyń «Aqjaıyǵyn» talqandap shyqty. Esep – 3:0. Sondaı-aq Atyraýda ótken «Atyraý» men Taldyqorǵannyń «Jetisý» komandalary arasyndaǵy oıynda esep ashylmady.
Qalǵan eki 0:4 búgin tirkeldi. Aldymen Shymkentte Qaraǵandynyń «Shahteri» oısyraı utyldy. Al oıyn shý basyn aasa bir tartysty bola qoıǵan joq. Shamasy, aptanyń aınalysyndaǵy eki halyqaralyq kezdesý qajytyp jibergen bolýy kerek, qaraǵandylyqtar asa bir belsendilik tanyta almady. Biraq alań ıeleriniń de olardan asyp ketkeni shamaly boldy. Kerisinshe dop kóbine-kóp qonaqtardyń aıaqtaryna turaqtap turdy. Qaqpaǵa qaraı qaqyrata urǵany kóp shyqpasa da, shahterlikter shabýylǵa da kóp uryndy. Alaıda, goldy shymkenttikter soqty. Olar munyń birinshi taımnyń basynda, 6-mınýtta Mohammed Arýrı oılamaǵan sátte soǵyp ketti.
Komandalar osy eseppen úziliske shyqty. Al kelesi taım endi bastala bergen sátte qaýyrt joryqty bastap ketken alań ıeleri Aleksandr Mokın qorǵaǵan qaqpany taǵy bir qaqyratyp ótti. Ony Azat Nurǵalıev saldy. Arada 11 mınýt ótkende, 58-mınýtta ol taǵy da meımandar darbazashysyn qapy qaldyrdy. Sóıtip, keshe Glazgoda eren erlik kórsetken golkıper bolmashydan qatelesip, óz qaqpasyna úshinshi dopty da ótkizip aldy. Shymkenttikterdiń jetistikteri munymen de tynbady. Endi 80-mınýtta Qaırat Áshirbekov tórtinshi goldy salyp ketti.
Budan keıin alańǵa Pavlodardyń «Ertisi» men «Aqtóbe» shyqty. Munda oıynnyń qorytyndy esebi birinshi taımda-aq tirkelip qoıdy. Esepti 10-mınýtta penaltı dál túsirgen Ulyqbek Baqaev ashty. Arada 5 mınýt ótkende Anton Chıchýlın tablodaǵy jazýdy 2:0-ge ózgertti. Komandalardyń alma-kezek shabýyldary kezinde alań ıeleri 38-mınýtta taǵy da erledi. Bul joly Dmıtrıı Shomko gol avtory atandy. Al qorytyndy núkteni 45-mınýtta Vladıslav Chernyshev qoıdy.
Aqtóbelikter bul jeńilisterine qaramastan týrnır kestesindegi lıderlik jaǵdaılaryn saqtap qaldy.
2-qyrkúıekke deıingi týrnır kestesi mynadaı.
| Or | Komandalar | O | U | T | J | Doptar | Up |
| Za 1-6-e mesta | |||||||
| 1 3 | "Aqtóbe" (Aqtóbe) | 25 | 15 | 5 | 5 | 33-18 | 27 |
| 2 5 | "Astana" (Astana) | 25 | 14 | 5 | 6 | 41-28 | 27 |
| 3 1 | "Shahtıor" (Qaraǵandy) | 25 | 11 | 6 | 8 | 34-29 | 22 |
| 4 10 | "Ertis" (Pavlodar | 25 | 10 | 8 | 7 | 30-24 | 21 |
| 5 2 | "Ordabasy" (Shymkent) | 25 | 10 | 6 | 9 | 27-24 | 21 |
| 6 7 | "Qaırat" (Almaty) | 25 | 8 | 10 | 7 | 32-29 | 19 |
| Za 7-12-e mesta | |||||||
| 7 6 | "Tobyl" (Qostanaı) | 25 | 10 | 5 | 10 | 39-28 | 22 |
| 8 11 | "Atyraý" (Atyraý) | 25 | 7 | 8 | 10 | 21-33 | 16 |
| 9 4 | "Taraz" (Taraz) | 25 | 6 | 7 | 12 | 25-30 | 16 |
| 10 -- | "Vostok" (О́skemen) | 25 | 5 | 10 | 10 | 15-31 | 14 |
| 11 12 | "Jetisý" (Taldyqorǵan) | 25 | 4 | 13 | 8 | 20-29 | 12* |
| 12 8 | "Aqjaıyq" (Oral) | 25 | 4 | 9 | 12 | 28-42 | 9 |
Úzdik mergender:
Igor Zenkovıch («Shahter») - 12
Edın Iýnýzovıch («Ordabasy») - 11
Mokýdý Sıseı («Qaırat») - 10
Igor Býgaıov («Tobyl») - 10
Damır Qojamqul.
