Jetisaı aýdanynyń ortalyǵynda, Jańaaýyl men Jylysý aýyldyq okrýgterinde Ábdiqalyq jáne Baıqonys aýyldarynyń janynda koronavırýstyń taralý oshaqtary anyqtalýyna baılanysty karantın engizilip, Jetisaı polısııa bóliminiń qyzmetkerlerinen 14 blok-beket qoıyldy.
"Tótenshe jaǵdaı engizilgennen beri oblys polıseıleri 84 tótenshe jaǵdaı rejımin buzýshylyqty anyqtady, azamattar QR ÁQBtK-niń 476-babyna sáıkes "tótenshe jaǵdaı rejımin buzý" boıynsha ákimshilik jaýapkershilikke tartyldy, onyń ishinde 26-sy ákimshilik tártipte qamaýǵa alyndy. Oblys turǵyndaryn shekteý sharalaryna túsinistikpen qaraýǵa, tótenshe jaǵdaı talaptaryn qatań saqtaýǵa jáne asa qajetsiz úıden shyqpaýǵa shaqyramyn" dedi departament bastyǵy, polısııa general-maıory Qaırat Dálbekov.
Sondaı-aq departament qyzmetkerleri jalǵan aqparat taratýdyń 9 jaıtyn anyqtady. Kúdiktiler der kezinde anyqtalyp, jaýapkershilikke tartylǵan.
Túrkistan oblysy
