Oqýshy sany artqan aýyl
Bir kezderi birinshi synypqa baratyn oqýshylar azaıyp ketse, qazir ondaı olqylyqtyń orny tola bastapty. Buǵan dáıek keltirer bolsaq, Ile aýdany, Qosózen aýylyndaǵy №14 mekteptiń birinshi synybyna bıyl 89 oqýshy kelipti.
Oqýshy sany artqan aýyl
Bir kezderi birinshi synypqa baratyn oqýshylar azaıyp ketse, qazir ondaı olqylyqtyń orny tola bastapty. Buǵan dáıek keltirer bolsaq, Ile aýdany, Qosózen aýylyndaǵy №14 mekteptiń birinshi synybyna bıyl 89 oqýshy kelipti.
– Bizdiń mektepte 632 oqýshy bilim alatyn bolady. Birinshi synypqa kelgen búldirshinder 4 synypqa toptastyryldy. Bir qýanarlyǵy, ústimizdegi jyly aýylymyzda demografııalyq ósimniń nátıjesi baıqaldy. Sonyń alǵashqy jemisin bilim kúni kórip otyrmyz. Ásirese, bilim kúni jas otbasylardyń qýanyshy erekshe deýge bolady.
Halyqtyń turmysy jaqsarǵan saıyn ondaǵan urpaq ómirge kelip, aýylymyzdyń ajary ashylyp, bilim uıamyzda ul men qyzdyń shat kúlkisi estilip, shadyman tirlik tynysymyz artyp, ustazdarymyzdyń da júzderine kúlki uıalady, – deıdi Kúláıim Balyqbekova.
Súleımen MÁMET,
«Egemen Qazaqstan».
Almaty oblysy.
Ortaq kúnge oraılastyryldy
Astanadaǵy L.N.Gýmılev atyndaǵy Eýrazııa ulttyq ýnıversıtetinde Bilim kúnine arnalǵan saltanatty jıyn ótti.
Oǵan atalǵan oqý ornynyń rektory E.Sydyqov qatysyp, oqytýshy-professorlar quramymen stýdentterdi jańa oqý jylymen quttyqtady. Bilim kúnine arnalǵan jıynǵa 80-jyldardaǵy ardager, Qazaq KSR-iniń Bilim mınıstri, «Parasat» ordeniniń ıegeri Qojahmet Balahmetov, osy bilim ordasynyń túlegi, Din isteri agenttigi tóraǵasynyń orynbasary Ǵalym Shoıkın jáne bilim-ǵylym salasyna qyzmet etip júrgen basqa da qonaqtar qatysyp, jyly lebizderin bildirdi.
Saltanatty jıynda L.N.Gýmılev atyndaǵy Eýrazııa ulttyq ýnıversıtetiniń «Dala sazy» halyqtyq aspaptar orkestriniń dombyrashylar ansambli jáne «Biz – birgemiz!» atty stýdentter flesh moby júrip, ýnıversıtettiń basqa da talanttary óner kórsetip, «Dos Muqasan» tobynyń izin jalǵaýshy ýnıversıtettiń jańa qurylǵan vokaldy-aspapty ansambliniń alǵashqy merekelik tusaýkeseri bolyp ótti.
Bıyl L.N.Gýmılev atyndaǵy Eýrazııa ulttyq ýnıversıtetindegi 66 mamandyq boıynsha bilim alýǵa 4 myńǵa jýyq stýdent túsipti. Olardyń 3067-si grant ıegerleri bolsa, 344-i «Altyn belgi» alǵandar, 251-i halyqaralyq jáne respýblıkalyq ǵylymı jáne túrli pánder olımpıadalarynyń, 12-si halyqaralyq sport jarystarynyń jeńimpazdary eken. Sondaı-aq, bıyl stýdentter qataryna jeńildikpen qabyldanǵan 6 múgedektiń, 9 jetim balanyń, 49 oralman baýyrlarymyzdyń bar ekenin aıta ketken jón.
Dastan KENJALIN,
«Egemen Qazaqstan».
ASTANA.
