Keshe Aqordada Memlekettik hatshy Marat Tájın dıplomatııalyq mıssııasyn aıaqtap jatqan Armenııanyń Qazaqstandaǵy Tótenshe jáne ókiletti elshisi Vasılıı Kazarıandy qabyldady.
Keshe Aqordada Memlekettik hatshy Marat Tájın dıplomatııalyq mıssııasyn aıaqtap jatqan Armenııanyń Qazaqstandaǵy Tótenshe jáne ókiletti elshisi Vasılıı Kazarıandy qabyldady.
Memlekettik hatshy qabyldaý barysynda: «Siz tájirıbeli dıplomatsyz. Elimizdegi 5 jyldyq elshilik qyzmetińizde kóptegen ıgilikti ister atqardyńyz. Biz Armenııanyń EKSPO-2017 kórmesin ótkizý jónindegi Astananyń kandıdatýrasyna qoldaý kórsetkenine razymyz», deı kele, osy 5 jyldyq qyzmet aıasynda eki jaqty qarym-qatynastardyń jan-jaqty damyp, parlamentaralyq baılanystar, saýda-ekonomıkalyq yntymaqtastyq jónindegi úkimetaralyq komıssııanyń jumysy jandanǵanyn tilge tıek etti. Munan soń Memlekettik hatshy armıan dıplomatııasynyń basshysyna Qazaqstan-Armenııa arasyndaǵy senimdi qarym-qatynastardy nyǵaıtýǵa qosqan úlesine alǵys bildirdi.
Elshi óz kezeginde: «Ýaqyt taýyp arnaıy qabyldaǵanyńyzǵa rızashylyǵymdy qabyl alyńyz. Men úshin Qazaqstanda qyzmet etken 5 jylym óte qymbat. Sebebi, biz dostyqtyń jibek jelisi tartylǵan, eki eldiń basshylyǵynyń arasynda syılastyq ornaǵan dos peıildi eldermiz», dedi.
Áńgimelesý barysynda taraptar halyqaralyq yntymaqtastyq, sondaı-aq saýda-ekonomıkalyq, mádenı-gýmanıtarlyq salalardaǵy baılanystardy damytýdyń jaı-kúıi men keleshegin talqylady.
Anar TО́LEÝHANQYZY,
«Egemen Qazaqstan».
