TMD qarjy baqylaý organdary jıyny

Aǵymdaǵy jyldyń 5 qyrkúıeginde As­tana qa­la­synda Táýelsiz Memleketter Dos­tas­tyǵyna qaty­sý­shy memleketterdiń Joǵary qarjy baqylaý organ­dary (JQBO) basshylary keńesiniń XIII sessııa­synyń otyrysy ótedi.

Aǵymdaǵy jyldyń 5 qyrkúıeginde As­tana qa­la­synda Táýelsiz Memleketter Dos­tas­tyǵyna qaty­sý­shy memleketterdiń Joǵary qarjy baqylaý organ­dary (JQBO) basshylary keńesiniń XIII sessııa­synyń otyrysy ótedi.

Sessııa jumysyna Armenııa Respýblıkasynyń, Be­larýs Respýblıkasynyń, Qazaqstan Res­pýb­lıkasynyń, Qyrǵyz Respýblıkasynyń, Moldova Respýblıkasynyń, Reseı Federasııasynyń, Tájikstan Respýblıkasynyń, Ýkraınanyń jo­ǵary qarjy baqylaý organdarynyń birinshi bas­shylary qatysady. Sondaı-aq, osy is-sharaǵa Grýzııa esep palatasynyń tóraǵasy baqylaýshy retinde shaqyryldy.

Otyrysqa elimizdiń memlekettik organ­dary­nyń, TMD-nyń birqatar elderiniń elshilikteriniń, son­daı-aq AQSh-tyń Halyqaralyq damý agent­ti­giniń (IýSAID) jáne Dúnıejúzilik banktiń ókil­deri de qatysady.

Sessııaǵa qatysýshylar aýylsharýashylyq taýar ón­di­rýshilerin qoldaýǵa bólinetin qarajatty paıdalanýdyń aýdıti boıynsha joǵary qarjy baqylaý organdary qyzmetiniń tıimdiligin arttyrýdyń joldaryn talqylaıdy.

Sonymen qatar, sessııa sheńberinde TMD-ǵa qatysýshy memleketterdiń JQBO basshylary keńesiniń Mańyzdy ulttyq kórsetkishter jónindegi saraptamalyq tobynyń jáne TMD-nyń JQBO úshin memlekettik qarjylyq baqylaý standarttaryn ázirleý jónindegi jumys tobynyń jumystarynyń nátıjeleri qaralatyn bolady.

Táýelsiz Memleketter Dostastyǵyna qatysýshy mem­leketterdiń Joǵary qarjy baqylaý organdary bas­shy­larynyń keńesi TMD-ǵa qatysýshy memleketterdiń joǵary qarjy baqylaý organdary arasyndaǵy yntymaqtastyqty uıymdastyrýdy qamtamasyz etý, ózara is-qımyldy úı­les­tirý jáne tájirıbe almasý úshin 2000 jyly qurylǵan bolatyn.

Esep komıteti Qazaqstan Prezıdentine tikeleı ba­ǵy­natyn jáne esep beretin qarjylyq baqy­laý­dyń joǵary organy bolyp tabylady. Ol res­pýblıkalyq bıýdjettiń atqarylýyn, mem­lekettik baǵdarlamalardyń, ortalyq memlekettik organdardyń strategııalyq josparlarynyń iske asyrylý barysyn syrtqy baqylaýdy jáne baǵalaýdy júzege asyrady. Kvazımemlekettik sektor sýbektilerine bólingen memlekettiń qarjy resýrstarynyń paıdalanylýyn baqylaıdy. Memlekettiń granttary men aktıvterin, memleket kepildik bergen qaryzdardy paıdalanýdyń tıimdiligine taldaý jasaıdy, sondaı-aq, Ulttyq bank aktıvterin paıdalanýdyń sáıkestigine baqylaý júrgizedi.

Esep komıtetiniń baspasóz qyzmeti.