Jenevada Qazaqstan Respýblıkasynyń Turaqty ókildigi Birikken Ulttar Uıymynyń Bólimshesimen birlese otyryp Iаdrolyq synaqtarǵa qarsy halyqaralyq is-qımyl kúnin atap ótti. Sharaǵa halyqaralyq uıymdar jáne dıplomatııalyq mıssııalar, jetekshi saraptama ortalyqtarynyń basshylary, sondaı-aq jetekshi baspasóz jáne úkimettik emes uıymdar ókilderi qatysty, dep habarlady QR SIM-iniń baspasóz qyzmeti.
Jenevada Qazaqstan Respýblıkasynyń Turaqty ókildigi Birikken Ulttar Uıymynyń Bólimshesimen birlese otyryp Iаdrolyq synaqtarǵa qarsy halyqaralyq is-qımyl kúnin atap ótti. Sharaǵa halyqaralyq uıymdar jáne dıplomatııalyq mıssııalar, jetekshi saraptama ortalyqtarynyń basshylary, sondaı-aq jetekshi baspasóz jáne úkimettik emes uıymdar ókilderi qatysty, dep habarlady QR SIM-iniń baspasóz qyzmeti.
Atalǵan sharanyń Jenevadaǵy BUU Ulttar saraıyndaǵy «Qazaqstan» kópmaqsatty konferens-zalynyń saltanatty tusaýkeser sheńberinde uıymdastyrylýy erekshe mánge ıe boldy. Bul zaldy ashý týraly sheshimdi Elbasymyz Nursultan Nazarbaev Qazaqstannyń Birikken Ulttar Uıymyna múshe bolýyna 20 jyl tolýyna baılanysty qabyldaǵan edi.
Sheteldik dıplomattar men BUU qyzmetkerleri «Qazaqstan» kópmaqsatty zaly BUU-nyń Jeneva bólimshesi ǵımaratyndaǵy eń kórkem jáne tehnıkalyq jabdyqtalýy jaǵynan ozyq zalǵa aınalǵanyn biraýyzdan atap ótti. 145 kisi qabyldaýǵa shaqtalyp, jańa tehnologııalarmen jasaqtalǵan zal ilespe aýdarmamen qamtamasyz etiletin salıqaly halyqaralyq forýmdar ótkizý, fılmder kórsetý, sondaı-aq mádenı sharalar uıymdastyrý úshin qoldanylatyn bolady. «Qazaqstan» Astana kórinisteri jáne dala peızajdarymen kórkemdelgen gobelendermen ásemdelgen, endigi, tereze vıtrajdary ulttyq naqyshtaǵy túrli-tústi mozaıkamen bezendirilgen.
Shara barysynda BUU Bas hatshysynyń orynbasary, BUU Jenevadaǵy bólimshesiniń Bas dırektory Qasym-Jomart Toqaev jáne Turaqty ókil Muhtar Tileýberdi sóz sóılep, «Embrace! A World Free of Nuclear Weapons» atty derekti fılm kórsetildi.
О́z sózinde Q.Toqaev taratpaý rejimin nyǵaıtýǵa jáne álemdegi beıbitshilik pen qaýipsizdikti qamtamasyz etýge qosqan tarıhı úlesi úshin Qazaqstan Prezıdenti Nursultan Nazarbaevqa halyqaralyq qaýymdastyq atynan rızashylyq bildirdi. BUU Bas hatshysynyń orynbasary Qazaqstannyń ıadrolyq qarýsyzdaný jáne taratpaý úderisin damytýdaǵy róline BUU-nyń beretin joǵary baǵasyn atap ótti. BUU Jeneva ofısiniń basshysy BUU-nyń Qazaqstanmen yqpaldasýy jańa mazmunǵa ıe bola beretinine senim bildirdi.
