Bıylǵy Bilim kúni merekesi aıasynda Astana qalasyndaǵy «Turan-Profı» halyqaralyq kásibı akademııasynyń negizinde «Turan-Profı» qalalyq sharýashylyq kolledji ashyldy. Kásibı mamandar daıarlaıtyn jańa bilim oshaǵynyń tusaýkeseri saltanatty rásimmen órnekteldi.
Bıylǵy Bilim kúni merekesi aıasynda Astana qalasyndaǵy «Turan-Profı» halyqaralyq kásibı akademııasynyń negizinde «Turan-Profı» qalalyq sharýashylyq kolledji ashyldy. Kásibı mamandar daıarlaıtyn jańa bilim oshaǵynyń tusaýkeseri saltanatty rásimmen órnekteldi.
Jańa bilim oshaǵynyń ashylý saltanatynda «Turan-Profı» qalalyq sharýashylyq kolledjiniń dırektory Nıkıra Omarova quttyqtaý sóz sóılep, kolledjdiń aldynda turǵan negizgi mindetterdi saralap berdi. Bul jańa oqý ornynyń ashylýy elimizde keń óris alǵan ındýstrııalyq-ınnovasııalyq damý baǵdarlamasymen sabaqtasyp jatyr. «Turan-Profı» qalalyq sharýashylyq kolledjin ashýdaǵy basty maqsat – qarqyndy damyp kele jatqan elimizdiń bas qalasynyń sharýashylyǵyndaǵy san-qyrly qyzmet túrlerine qajetti joǵary tehnıkalyq-kásibı mamandar daıarlaý. Sonymen birge, kolledj bazasynda mamandardyń biliktiligin arttyrý, qaıta daıyndaý mindetteri de júzege asyrylady.
Jańa oqý ornynyń halyqaralyq oqý standarttaryna saı oqý-óndiristik bazasy bar. Aldaǵy ýaqytta kolledj Germanııa, Reseı, Ýkraına jáne Belarýs memleketterindegi osyndaı kolledjdermen tyǵyz baılanysta jumys jasamaq. Oǵan qazirdiń ózinde alǵysharttar jasalýda. Jańa bilim oshaǵynyń ashylýyna baılanysty ótken is-sharaǵa «Atameken» ulttyq ekonomıkalyq palatasynyń atqarýshy dırektory Talǵat Doskenov, «Nur-Otan» HDP-nyń Saraptaý, jobalaý jáne áleýmettik ınstıtýttar ortalyǵynyń jetekshisi Qazbek Qazkenov, «Qazaqstan mashına jasaýshylar odaǵy» uıymynyń atqarýshy dırektory Temirlan Altaev, «AstanaLıftStroı» JShS-niń dırektory Anatolıı Zelıýkın jáne basqa arnaıy shaqyrylǵan qonaqtar qatysty.
Nııaz JYLQYBAEV.
