Taıaýda Almaty oblysy men Almaty qalasynyń mádenıet kúnderi Jetisýdyń kindik qalasy Taldyqorǵanda bastalyp, Qaskeleń qalasynda jalǵasyn tapty.
Taıaýda Almaty oblysy men Almaty qalasynyń mádenıet kúnderi Jetisýdyń kindik qalasy Taldyqorǵanda bastalyp, Qaskeleń qalasynda jalǵasyn tapty.
«Elbasy tapsyrmasyna sáıkes, aǵymdaǵy jyldyń sáýirinen bastap, oblystar arasynda mádenıet aptalyǵy ótkizile bastalǵany málim. Sol dástúrli shara aıasynda aqparattyq jáne mádenı jetistikter almasylyp, áleýmettik-ekonomıkalyq baılanystar nyǵaıa tústi. Negizi Almaty qalasy men Almaty oblysynyń uqsastyǵy tek Almaty degen ataýynda ǵana emes turǵyndarynyń ál-aýqaty men rýhanı damýyna da baılanysty. Ońtústik Astana mańynda azyq-túlik beldeýin qalyptastyrý maqsatynda bizdiń óńirdiń aýylsharýashylyq ónimderin óndirýshileriniń jármeńkesi qalada jyl saıyn uıymdastyrylyp keledi. Sondaı-aq saýda, ónerkásip, týrızm, bilim, taǵy basqa salalar boıynsha tyǵyz qarym-qatynas ornaǵan», dedi Almaty oblysy ákiminiń orynbasary Serik Muqanov.
О́z kezeginde Almaty qalasy ákiminiń orynbasary Záýresh Amanjolova alty jyldan beri kúzge salym almatylyqtar asyǵa kútetin «Jetisý jármeńkelerinde» sapaly ónimder baǵasy qara bazardaǵydan 20-22 paıyzǵa arzan baǵamen satylatyndyǵyn jáne búgingi ómir jetistikteri bolashaqta mádenıet máıegimen ólshenetindigin basa aıtty.
Qazaqstannyń halyq ártisi, jeztańdaı ánshi Nurǵalı Núsipjanov bastaǵan óner maıtalmandary tamyljyta án salyp, quıqyljyta kúı tógip, myń burala bılegende el jadyrap, shadyman shattyqqa bólendi.
Nurbol ÁLDIBAEV,
«Egemen Qazaqstan».
Almaty oblysy.
