Analarǵa arnalǵan aptalyq

Oblys ortalyǵynda «Áıel densaýlyǵynyń aptalyǵy» bolyp ótti. Tuńǵysh ret uıymdastyrylyp otyrǵan bul sharanyń óz deńgeıinde ótýine oblystyq densaýlyq saqtaý basqarmasy men salamatty ómir saltyn qalyptastyrý ortalyǵy belsene qatysty.

Oblys ortalyǵynda «Áıel densaýlyǵynyń aptalyǵy» bolyp ótti. Tuńǵysh ret uıymdastyrylyp otyrǵan bul sharanyń óz deńgeıinde ótýine oblystyq densaýlyq saqtaý basqarmasy men salamatty ómir saltyn qalyptastyrý ortalyǵy belsene qatysty.

Aptalyq barysynda 26000 adam dárigerlerdiń qabyldaýynda bolyp, aqyl-keńester aldy. Dıag­nostıkalyq, zerthanalyq zertteýler júrgizildi. Tekseris nátıjeleri boıynsha 2251 naýqas áıel anyqtaldy. Sonymen qatar, qaladaǵy emhanalarda «Ekolaıf» adam reprodýksııasynyń ortalyǵy mamandarynyń qatysýymen semınarlar uıymdastyryldy. Aptalyq sońynda áje-apalardyń qatysýymen tanymdyq baıqaýlar ótti. Mysaly, júkti áıelder arasyndaǵy «Eń súıkimdi jáne tartymdy bolashaq ana», «Uzaq jasaý qupııalary» sııaqty qy­zyqty sharalarǵa jas qyzdar, kelinshekter kóp jınaldy. Baıqaý jeńimpazdary densaýlyq saqtaý basqarmasynyń gramotalarymen marapattaldy. Oblystyq salamat­ty ómir saltyn qalyptastyrý or­talyǵy dırektorynyń orynbasary Gúlnár Nurahmetovanyń aıtýynsha, baıqaýlar jas qyzdar, áıelder zeınet jasyna jetse de gúldeı jaı­nap júrgen apa-ájelerin kórip oılansyn, salamatty ómir súrýge umtylsyn, den­saýlyǵyna jaýapkershilikpen qarasyn degen maqsattan týǵan. Alda da osyndaı sharalar jalǵasa bermek.

Aldaǵy qazan aıynda 11-12 jastaǵy 4300 qyz balaǵa papıl­loma vırýsyna, ıaǵnı jatyr moı­nynyń isigine qarsy jappaı ek­pe jasalmaq. Oblystyq den­saýlyq saqtaý basqarmasy ana men bala densaýlyǵyn qorǵaý bóli­miniń meńgerýshisi Almagúl Ah­metjanovanyń aıtýynsha, on­kologııalyq aýrýlardyń aldyn alýǵa baǵyttalǵan bul sha­raǵa respýblıkalyq bıýdjet­ten 100 mıllıon teńge qa­ra­jat bólinipti. О́ıtkeni, oblysta áıel­der ara­syndaǵy on­ko­lo­gııa­lyq aýrýlar deńgeıiniń kór­setkishi osyndaı shuǵyl sharalar júrgizýdi qajet etip otyr. Son­dyqtan, 11-12 jastaǵy qyz balalar tańdalynyp otyr. Dál osy kezeńde ekpe jasalatyn bol­sa, qyz balalardyń boıynda qaterli isikke qarsy ımmýnıtet qalyptasady eken.

Farıda BYQAI,

«Egemen Qazaqstan».

PAVLODAR.