Ústimizdegi jylǵy 1 qyrkúıekte S.Seıfýllın atyndaǵy Qazaq agrotehnıkalyq ýnıversıtetinde «Bilim kúnine» arnalǵan «QazATÝ – BOLAShAQ BASTAÝY!» atty saltanatty merekelik is-shara ótti.
Ústimizdegi jylǵy 1 qyrkúıekte S.Seıfýllın atyndaǵy Qazaq agrotehnıkalyq ýnıversıtetinde «Bilim kúnine» arnalǵan «QazATÝ – BOLAShAQ BASTAÝY!» atty saltanatty merekelik is-shara ótti.
Atalmysh sharaǵa S.Seıfýllın atyndaǵy QazATÝ rektory, QR UǴA korrespondent-múshesi A.Kúrishbaev, Qazaqstan Respýblıkasy Parlamenti Májilisiniń depýtattary Jambyl Ahmetbekov jáne Baqytbek Smaǵulov, QR Ulttyq Ǵylym akademııasynyń akademıgi Zaırýlla Dúısenbekov, sahna maıtalmany Baýyrjan Ibragımov, Qazaqstan KTK Odaǵynyń Prezıdenti Esen Eleýken, 2012 jylǵy London olımpıadasynyń qola júldegeri, boksshy Marına Volnova jáne 2008 jylǵy Beıjiń Olımpıadasynyń júldegeri, taekvondoshy Arman Chılmanov, «Qazsport» telearnasynyń Bas dırektory, tanymal sport jýrnalısti Dıas Ahmetshárip, prodıýsser Evgenıı Jagaltaev jáne basqa arnaıy shaqyrtylǵan meımandar qatysty.
О́z sózinde ýnıversıtet rektory, professor Aqylbek Kúrishbaev «Bıylǵy jyly bizdiń ýnıversıtetimiz agrarlyq saladaǵy barlyq oqý oryndarynyń ishinde aldyńǵy lekten oryn aldy. 2013-2014 oqý jyly ýnıversıtettiń birinshi kýrsyna 2 804 stýdent qabyldansa, olardyń 1 343-i memlekettik grantqa ıe bolǵandar. Bul stýdentterdiń 47,9% memlekettik grantpen oqıdy degen sóz. Bul kórsetkish – bizdiń ýnıversıtetimizdiń jastar qalaýyna ıe bolǵan bedeldi oqý orny ekenin dáleldeıdi», dep atap ótti.
Shara barysynda stýdentterdiń www.univerlife.kz áleýmettik jelisinde júrgizilgen JOO-lar arasyndaǵy respýblıkalyq saýalnamanyń qorytyndysy da jarııa etildi. Jalpy sany 105 joǵary oqý oryny qatysqan saýalnama stýdentter arasynda júrgizilip, nátıjesinde S.Seıfýllın atyndaǵy Qazaq agrotehnıkalyq ýnıversıteti «Eń úzdik ýnıversıtet» ataǵyn jeńip aldy. Bul aqjoltaı habar týraly sertıfıkatty ýnıversıtet rektory Aqylbek Kúrishbaevqa Parlament májilisiniń depýtaty Jambyl Ahmetbekov tapsyrdy.
Bıotehnologııa salasy boıynsha jas ta bolsa ǵylymı izdeniste joǵary tabystarǵa qol jetkizip, arnaıy ǵylymı granttarǵa ıe bolǵan agronomııa fakýltetiniń stýdenti Ásem Janǵulovany ýnıversıtet rektory A.Kúrishbaevtyń arnaıy madaqtaý hatymen QR Ulttyq Ǵylym akademııasynyń akademıgi Zaırýlla Dúısenbekov marapattady.
56 jyldyq tarıhy bar QazATÝ qashanda elimizdiń bas qalasy Astanada ótetin merekelik is-sharalardyń bel ortasynda júredi, ýnıversıtettiń ónerpaz jastary qalalyq, respýblıkalyq, halyqaralyq óner dodalarynda jeńimpaz atanýda. «Dán ekken jáne bilim bergen adamdar eń baqytty jandar» dep sózin bastaǵan sahna sańlaǵy Baýyrjan Ibragımov ýnıversıtettiń «Qyzǵaldaq» bı ansambli men «Shabyt» ult-aspaptar ansambline Astana qalalyq Mádenıet basqarmasynyń atynan arnaıy maqtaý qaǵazdaryn tabys etti.
Sonymen qatar, ýnıversıtet qabyrǵasynda birqatar sport sańlaqtary bilim alýda. Olardyń qatarynda boksshylar Danııar Eleýsinov, Mereı Aqshalov, Ilııas Súleımenov, Qazanda ótken halyqaralyq ýnıversıadanyń kúmis júldegeri Eskarhan Oskanov t.b. bar. Astana qalalyq sport jáne dene tárbıesi Basqarmasynyń arnaıy syılyǵyn saltanatty túrde tapsyrǵan London olımpıadasynyń qola júldegeri Marına Volnova stýdentterdi sportty serik etýge jáne salamatty ómir saltyn ustanýǵa shaqyrdy.
Bilim kúnine arnalǵan merekelik saltanatty kesh barysynda ýnıversıtettiń qoǵamdyq kásipter fakýltetiniń ujymy daıyndaǵan konsert uıymdastyrylyp, mereke kórigin «Agrarka sarbazdary» KTK komandasynyń juldyzdary tolyqtyrdy.
«Egemen-aqparat».
