Mysyrdyń bas prokýratýrasy jeksenbi kúni Mýhammed Mýrsıdiń isin sotqa ótkizdi. Bul týraly ITAR-TASS habarlap otyr.
«Al-Haıat» telearnasynyń málimeti boıynsha, Mýrsı men «Musylman baýyrlar» qozǵalysynyń 14 jetekshisi adamdardy qantógis pen zorlyq-zombylyqqa ıtermelegenderi úshin aıyptalýda.
О́tken jyldyń 5 jeltoqsanynda Kaırdegi «Ittıhadııa» prezıdent saraıynyń aldynda kisi ólimine soqtyrǵan qaqtyǵys atalmysh aıyptyń basty kórinisi retinde qarastyrylyp otyr.
Ol kúni Mýhammed Mýrsı ishki ister mınıstrligi men respýblıkalyq gvardııadan prezıdent saraıynyń aldyndaǵy mıtıngini toqtatýdy talap etti. Alaıda, tártip saqshylary men áskerıler beıbit sherýshilerge qarsy kúsh qoldanýdan bas tartqan bolatyn. Sol kezde eks-prezıdent «Musylman baýyrlar» qarýlanǵan qurylymyn kómekke shaqyrǵan kórinedi. Olar sherýshilerge shabýyl jasap, qaqtyǵys nátıjesinde bes adam qaza taýyp, 600-den astamy jaraqat aldy.
Aıdar О́risbaev.
