«Memleket tarapynan indetti taratpaý, eldiń densaýlyǵy men qaýipsizdigin saqtaý maqsatynda keshendi jumystar atqarylyp jatyr. Bul qıyn sátte eldiń árbir azamaty qoǵamǵa qoldan kelgen kómegin kórsetýi tıis dep esepteımin. Qaýipsizdik erejelerin saqtap, sabyr saqtaı bilsek, bul qıyndyqtan da shyǵamyz», deıdi «Bereke-A» korporasııasynyń basshysy Ráshkúl Ospanálıeva. Aksııa boıynsha óńirdiń aýdan, qalalarynda 2 myńnan astam otbasyǵa azyq-túlik, gıgıenalyq jáne medısınalyq zattar taratylýda. Bul mindetti oryndaýǵa Nur Otan partııasy fılıaldarynyń ókilderi, «jasotandyqtar» jáne eriktiler tartylǵan.
Sondaı-aq Kentaý qalasynyń týmasy, «Adelıa» sharýa qojalyǵynyń tóraǵasy Abdıashım Zakıruly jerlesterine qııar jáne qyzanaq jóneltip, qoldaý kórsetti. Kásipkerdiń 18 tonna tartýy kentaýlyq 5500 muqtaj turǵynǵa úlestirilýde. Jany jomart jan aldaǵy ýaqytta taǵy da kómek qolyn sozýdy josparlap otyr.
Túrkistan oblysy
