Ońtústik Qazaqstan oblysynda qabyldanǵan jańa erejege sáıkes, kópshilik dem alatyn oryndarda úı janýarlaryn serýendetýge tyıym salyndy. Bul týraly «24 kz» habarlady.
Úı janýarlaryna qatysty jańa ereje tórt babtan turady. Ol boıynsha bir otbasy ekeýden artyq ıt pen mysyq asyraı almaıdy. Sondaı-aq, mektepter men balabaqsha mańynda jáne saıabaqtar men tamaqtanatyn oryndarda ıtterdi qydyrtýǵa múldem tyıym salynǵan. Munan ózge, kúshikter baýyryn kóterip júre bastaǵan kezde ıeleri ony ıt atatyn mekemelerge ótkizýi tıis.Kezbe ıtterdiń kózin joıý máselesi de eskerilgen.Jańa ereje boıynsha kámeletke tolmaǵan jasóspirim men mas adamǵa ıtti serýenge shyǵarýǵa tyıym salynady. Turǵyndar sanıtarlyq-maldárigerlik talaptardy buljytpaı oryndaýy jáne ıtterdi baılap ustaýy qajet. Al ıt pen mysyq ustaý erejesin buzǵandar 3 aılyq eseptik kórsetkish sheginde, adam densaýlyǵyna zııan keltirilgen jaǵdaıda 10 aılyq eseptik kórsetkish kóleminde aıyppul tóleıdi.
Baqytbek Keneshuly.
