Aımaqtar • 06 Sáýir, 2020

Túrkistanda bıyl 15 nysan paıdalanýǵa beriledi

40 ret kórsetildi

Túrkistan qalasynda birqatar nysandardyń qurylysy mamyr-qyrkúıek aılarynda tolyq aıaqtalyp, el ıgiligine beriledi. Tuńǵysh Prezıdent saıabaǵy,  ortalyq alleıa, Áziret Sultan tarıhı-mádenı qoryq-mýzeıiniń aýmaǵyn abattandyrý jumystary aıaqtalýǵa jaqyn.

Kóne shaharda jańa ǵımarattardyń qurylysyna óńirler, ulttyq kompanııalar jáne bıznes ókilderi atsalysýda. Oblys ákimi О́mirzaq Shókeevtiń tóraǵalyq etýimen ótken aptalyq lezdeme otyrysynda basqarmalar, departamentter ǵımaraty, kongress ortalyǵy, Nur-Sultan alańy, oqýshylar saraıy, stadıon, sıfrlyq keńse, basseıni bar sport kesheni, smart sıtı baılanys jelileri, qalalyq saıabaq, drama teatr, ǵylymı-ámbebap kitaphana, Uly dala eli ortalyǵy, Q.A.Iаssaýı murajaıyn bıyl paıdalanýǵa berý josparlanǵany aıtyldy. Budan bólek, ákimshilik-iskerlik ortalyǵynda 7 ınjenerlik ınfraqurylym nysandarynyń  qurylys jumystary óndiristik kestege sáıkes júrgizilýde. Barlyq qurylys alańdarynda sanıtarlyq-profılaktıkalyq sharalar kúsheıtilgen.

Apparat otyrysynda, sondaı-aq oblys boıynsha shekteý sharalarynyń kósheıtilýi, turǵyndardyń ómiri men densaýlyǵyn qorǵaý maqsatynda óńirde atqarylyp jatqan jumystar baıandaldy. Alty myńǵa jýyq azamatqa 42500 teńge kóleminde tólem taǵaıyndalǵan. Qazirgi tańda barlyq aýdan, qalalarda jumys shtabtary qurylǵan. Elektrondy memlekettik portaly arqyly da ótinish qabyldanady. Ázirge 1366 adam ótinish bergen.

 

Túrkistan oblysy

 

Sońǵy jańalyqtar

Elbasy Altaıǵa at basyn burǵan sát

Aımaqtar • Búgin, 10:48

Loýkoster quny qaltany qaqpaıdy

Aımaqtar • Búgin, 08:20

Uqsas jańalyqtar