Beıbitshilikti qalaıtyn dúnıe júzi halyqtary kók baıraǵy jelbiregen Qazaqstanǵa qulaq túrip, «Iаdrolyq synaqtarǵa tyıym salýdan – ıadrolyq qarýsyz álemge» atty Astanada dástúrli túrde ótetin halyqaralyq konferensııa jańalyǵyn estigenshe asyǵatyn boldy. Qyryq jyl boıy ıadrolyq jarylystardan kóz ashpaı kelgen qazaq jerindegi synaqtardyń bir kúnde toqtatylýy álemdi dúr silkindirgen tarıhı oqıǵa bolǵanyn eshkim joqqa shyǵara almaıdy.
Beıbitshilikti qalaıtyn dúnıe júzi halyqtary kók baıraǵy jelbiregen Qazaqstanǵa qulaq túrip, «Iаdrolyq synaqtarǵa tyıym salýdan – ıadrolyq qarýsyz álemge» atty Astanada dástúrli túrde ótetin halyqaralyq konferensııa jańalyǵyn estigenshe asyǵatyn boldy. Qyryq jyl boıy ıadrolyq jarylystardan kóz ashpaı kelgen qazaq jerindegi synaqtardyń bir kúnde toqtatylýy álemdi dúr silkindirgen tarıhı oqıǵa bolǵanyn eshkim joqqa shyǵara almaıdy.
Iаdrolyq jarylysqa álem elderi arasynan alǵashqy bolyp Qazaqstannyń batyl qadam jasaýyn Elbasy Nursultan Nazarbaevtyń saıasatkerlik kóregendigi, halqynyń qamyn oılaǵan kósemdigi deý oryndy. Qıyn da kúrdeli kezeńde Semeı ıadrolyq synaq alańyn jabý týraly Jarlyqqa qol qoıǵan Memleket basshysynyń bul qadamy erlikke para-par edi. Búgingi tańda Qazaqstan ıadrolyq qarýǵa qarsy qozǵalystyń dúnıejúzilik kóshbasshysy bolyp qalyptasty.
Qazaqstandyq beıbitshilik qadamdar 2011 jyly AQSh-ta ótkizilgen «Iаdrolyq qarýlar taratpaý» atty samıtte, 2012 jyly Ońtústik Koreıa astanasy Seýlde ótken samıtte dúnıejúzilik qoldaýǵa ıe boldy. Birikken Ulttar Uıymynyń Bas Assambleıasy Astanada bastaý alǵan Elbasy N.Nazarbaevtyń 29 tamyzdy Iаdrolyq synaqtarǵa qarsy halyqaralyq is-qımyl kúni retinde belgileý usynysyn tolyq qoldap, bekitti. Osy beıbitshilik qadam Qazaqstannyń abyroıyn joǵary kóterýde. Osy beıbit qadamdardy qoldaýda aqyn, Alashtyń asyl azamaty Oljas Súleımenov bastaǵan Qazaqstandaǵy halyqaralyq synaqqa qarsy «Nevada-Semeı» qozǵalysy dúnıejúzilik «Beıbitshilik esteligi» reestrine kirgizildi. Búginde Elbasynyń beıbitshilik qadamdaryn Qazaqstandaǵy azamattyq qoǵam aıasynda qurylǵan eń alǵashqy úkimettik emes uıym – «Nevada-Semeı» tolyqqandy qoldap keledi.
Men ózim de osy qozǵalystyń quramynda júrip Batys aımaǵy fılıalyn qurýǵa uıytqy boldym. Jarylystardyń zardaptaryn áshkereleýge, synaq alańdaryn jabýǵa atsalysqanymdy ózimniń azamattyq ustanymym dep esepteımin. Semeı synaq polıgonynyń jabylýyna delegat bolyp qatysqanymdy maqtan tutamyn. Azýy alty qarys iri memleketterdiń ózderi áliptiń artyn baǵyp otyrǵanda, Elbasynyń Semeı synaq alańyn jabýy tarıhı oqıǵa ekeni sózsiz. Qazaqstan ıadrolyq jarylystar bolǵan jerlerge áleýmettik kómek kórsetýdi jylma-jyl belsendi qoldap keledi. Olardyń ishinde Kapýstın-Iаr, Azǵyr, Embi-5, Naryn, Taısoıǵan sekildi eldi mekender bar. Máselen, 2012 jyldyń qazan jáne 2013 jyldyń naýryz aılarynda Qorshaǵan ortany qorǵaý mınıstrligi muryndyq bolyp, Kapýstın-Iаr, Azǵyr, Taısoıǵan, Naryn eldi mekenderiniń halqyna áleýmettik kómek kórsetý máselesin bes mınıstrlik ókilderi, Parlament depýtattary, úkimettik emes uıymdar talqylady. Arnaıy Úkimet qaýlysy shyqty. Búgingi kúnde naqtyly kómek sharalary oryndalýda.
Prezıdent N.Nazarbaevtyń osy beıbitshilik saıasatyn qoldaýda jergilikti jerlerde de jumystar júrgizilýde. Buqara halyq ońdy jumystarǵa kýá bolýda. Halyqaralyq antııadrolyq «Nevada-Semeı» qozǵalysynyń Batys aımaqtyq fılıaly sońǵy eki jylda ǵylymı-tájirıbelik konferensııa, 12 oqý ornynda «Beıbitshilik sabaǵyn» ótkizip, «Taza tabıǵat pen ıadrolyq qarýsyz ǵasyrǵa», «Qasiret pen senim» kitaptaryn shyǵaryp, «Aqıqat-taǵdyr» telefılmin túsirdi. Aqtóbe oblysy, Baıǵanın aýdany, Jarqamys eldi mekeninde 2012 jyldyń 3 qazanynda «Iаdrolyq synaq qurbandaryna» arnalǵan stella-eskertkish ashyldy. Bul shara Elbasy N.Nazarbaevtyń beıbitshilik saıasatyn qoldaý maqsatynda jáne Aqtóbe jerindegi sońǵy atomdyq jarylystyń 25 jyldyǵyna arnaldy. Astanadan, Almatydan, Semeıden, Oral, Atyraý, Aqtaý, Qostanaıdan kelgen antııadrolyq qozǵalys belsendileri óz rızashylyqtaryn bildirdi. Jergilikti ákimder men qoǵamdyq uıymdar belsendilik kórsetti. Al, bıylǵy jyldyń 29 tamyzy kúni Semeıdegi Túıemoınaq aralynda «Beıbitshilik murajaıy» kesheni ashyldy. Iаǵnı, «jumyla kótergen júk jeńil» demekshi, bizdiń qozǵalysymyz táýelsiz Qazaqstanymyzdyń jalpy ekologııalyq jaǵdaıynyń jaqsarýyna óz úlesin qosyp keledi.
Byltyr 29 tamyz kúni Semeı qalasynda ótken dúnıejúzilik ǵylymı-tájirıbelik konferensııada a
