Sapar aıasyndaǵy bıznes-forým

Keshe Astananyń «Rixos» qonaqúıinde Indonezııa Res­pýb­­lı­kasynyń Prezıdenti Sýsılo Bambang Iýdoıononyń Qazaqstanǵa mem­lekettik sapary aıasynda Qazaqstan-Indonezııa bıznes qaýymdastyǵynyń forýmy bolyp ótti.

Keshe Astananyń «Rixos» qonaqúıinde Indonezııa Res­pýb­­lı­kasynyń Prezıdenti Sýsılo Bambang Iýdoıononyń Qazaqstanǵa mem­lekettik sapary aıasynda Qazaqstan-Indonezııa bıznes qaýymdastyǵynyń forýmy bolyp ótti.

Ony Indýstrııa jáne jańa tehnologııa­lar mınıstrligi, «Qaz­neksInvest» AQpen­ Qazaq­stan­nyń Saýda-eko­no­mıkalyq palatasy In­donezııanyń Ekonomıka mınıstrligi jáne Qazaq­stan­daǵy elshiligi men yn­tymaqtasa otyryp uıym­dastyrdy. Forým jumysyn Qazaqstannyń Saýda-eko­nomıkalyq palatasynyń prezıdenti Sabyr Esimbekov ashyp, júrgizip otyrdy. Qa­zaq­stannyń Ekonomıka jáne bıýdjettik josparlaý mı­nıstr­liginen quttyqtaý sózdi vıse-mınıstr Tımýr Jaqsylyqov aıt­ty. Ol eki eldiń Memleket basshy­larynyń joǵary deńgeı­degi saparlarmen almasýy Qazaqstan men Indonezııa ekonomı­ka­larynyń yn­tymaqtasa túsýdi qalaǵanyn kór­se­tetin faktor ekenin atap ótti.

Eki eldiń arasyndaǵy búgingi kúngi saýda-ekono­mı­kalyq baılanystar turaqty túrde damý ústinde. Naqty aıtar bolsaq, 2012 jyldyń qorytyndysy boıynsha eki eldiń arasyndaǵy saý­da aınalymy 57,2 mln. AQSh dollaryn qurady. Al bıyl­ǵy jyldyń alǵashqy jar­ty­syndaǵy ǵana kórsetkish odan úsh ese artyp, 150,5 mln. AQSh dollary kólemine jetip otyr. Osynyń ózi Qazaqstan Prezıdenti N.Nazarbaevtyń byltyrǵy sáýir aıynda Indonezııaǵa jasaǵan resmı saparynyń yntymaqtastyqqa ıgi yqpal etkendiginiń arqasynda qol jetkizgen tabys bolyp otyr.

So­nymen qatar, qazaqstandyq vıse-mınıstr Indonezııany Qazaq­stannyń Ońtústik-Shyǵys Azııa­daǵy belsendi jáne perspek­tı­va­ly ekonomıkalyq áriptesi dep sanaıtynyn jetkizdi. О́zi­niń sózinde ol Qazaqstandaǵy ın­ves­tısııalyq ahýaldyń barynsha ońtaıly ekenin, munyń ózi birlesken iskerlik yntymaqtastyq ornatýǵa barynsha qolaıly ekenin atap ótti. Osyndaı tıimdiliktiń ar­qasynda 2012 jyly Qazaqstan ekonomıkasyna 22,5 mlrd. AQSh dollaryna teń ınves­tısııa tartyldy. Bul 2011 jylmen salystyrǵanda 7 paıyzǵa artyq.

Indonezııa tarapynan jaýap sóz aıtqan Ekonomıka mınıs­tri­niń orynbasary Rızal Affandı Lýkman Qazaqstan tarabyna jaqsy uıymdastyrylǵan qarsy alý úshin alǵysyn jetkize kelip, Qazaqstandy Indonezııanyń bo­lashaq úlken ekonomıkalyq áriptesi retinde kór­gisi keletinin aıtty. Biz Qazaq­stannyń ekono­mıkalyq je­tis­tik­terin jaqsy bilemiz. Postkeńestik respýblıkalar arasynda Qazaqstan óziniń jaqsy bas­tamalarymen barynsha tanymal, dedi ol. Sonymen birge, vıse-mınıstr joǵary deń­geıdegi resmı saparlardyń bul iske ıgi yqpal etetinin atap ótti.

Forým barysynda Qa­zaq­stan Res­pýblıkasy Saýda-eko­­no­­mı­kalyq palatasy men In­do­­nezııanyń osyn­daı qyzmeti ara­synda ynty­maq­tastyq ornatý jónindegi keli­simshartqa qol qoıyldy. Sondaı-aq, bir­neshe qazaqstandyq jáne ındone­zııalyq kompanııalar ózara yn­ty­maqtastyq ornatý jónindegi eki­jaqty ke­li­simderge qol qoıdy.

Forým barysynda sóı­le­gen sheshender arasynda «Qaz­enerdjı» assosıasııasynyń at­qarýshy dırektory Ramazan Jan­peıisov te boldy. Ol 2017 jyly Qazaqstan Astana qalasynda Búkilálemdik munaı kongresin ótkizýge umtylyp otyrǵanyn atap ótti. Osy tarapta ındonezııalyq kom­panııalardy Qazaqstannyń kan­dıdatýrasyn qoldaýǵa sha­qyrdy.

Jaqsybaı SAMRAT,

«Egemen Qazaqstan».