Jaqynda «Qazaqstan» RTRK» AQ tóraıymy N.Muhamedjanova men BBC World News-tiń kommersııalyq ókili S.Stanovkın teleradıo salasynyń eń ozyq jetistikterin ıgerý jáne ony óndiriske engizý týraly uzaq merzimdi yntymaqtastyq memorandýmyna qol qoıdy.
Jaqynda «Qazaqstan» RTRK» AQ tóraıymy N.Muhamedjanova men BBC World News-tiń kommersııalyq ókili S.Stanovkın teleradıo salasynyń eń ozyq jetistikterin ıgerý jáne ony óndiriske engizý týraly uzaq merzimdi yntymaqtastyq memorandýmyna qol qoıdy.
Kelisim negizinde keleshekte «Qazaqstan» RTRK» AQ jáne BBC World News arasynda ortaq jobalar daıyndalyp, mamandar tájirıbe almasady dep kútilýde. Sonymen qatar, korporasııa halyqaralyq teleradıo salasynyń zamanaýı tehnologııasy men ozyq tájirıbesin ıgerýdi jáne ony qoldanysqa engizýdi kózdeıdi.
BBC World News ókildiginiń basshysy Sergeı Stanovkın bul memorandýmdy eki korporasııa arasyndaǵy burynnan beri qalyptasqan áriptestik qarym-qatynasty odan ári nyǵaıtý dep sanaıdy. Mysaly, «Qazaqstan» ulttyq arnasy BBC World News -pen birlese otyryp, qazaq kórermenderine «Qazaqstan – Eýrazııanyń júregi» atty rolıkti memlekettik tilde kórsetti.
«Memorandým boıynsha, qos korporasııa aqparat pen tájirıbe almasyp qana qoımaı, bolashaqta qazaqstandyqtarmen qatar halyqaralyq aýdıtorııaǵa da qyzyqty jobalar usyný», – dedi S.Stanovkın.
«Qazaqstan» RTRK» AQ tóraıymy Nurjan Muhamedjanova BBC World News-pen áriptestik baılanys korporasııanyń damýyna jańa serpin beretinine senim bildirdi. Ári shyǵarmashylyq jáne tehnıkalyq mamandardyń kásibı biliktiligin jetildirýde, televızııalyq jańa tehnologııany meńgerýde mundaı qarym-qatynastardyń óte-móte tıimdi ekendigin jetkizdi.
«Egemen-aqparat».
