Ile polıgonynda «Dala qyrany – 2013» halyqaralyq bitimgerlik jattyǵýy aıaqtaldy. Álemniń 12 elinen kelgen áskerı qyzmetshiler eki apta boıy birlesken operasııalardy ótkizýdiń qyr-syrlaryn meńgerdi.
Ile polıgonynda «Dala qyrany – 2013» halyqaralyq bitimgerlik jattyǵýy aıaqtaldy. Álemniń 12 elinen kelgen áskerı qyzmetshiler eki apta boıy birlesken operasııalardy ótkizýdiń qyr-syrlaryn meńgerdi.
«Qazbattyń» jaýyngerleri áskerı daıyndyqtarynyń joǵary deńgeıde ekendikterin kórsetti. Sheteldik áriptester qazaqstandyq áskerılerdiń úzdik nátıjelerin atap ótti. «Qazbattyń» patrýldik desantty shabýyldaýshy brıgadasy eldi mekendi tazartý, mınalardy zalalsyzdandyrý, jaralylardy tikushaqpen tasymaldaý jáne gýmanıtarlyq júkterdi alyp júrý sııaqty sharalardy júzege asyrýǵa qatysty. Sonymen birge, qazaqstandyq bitimgerler «Dala qyrany – 2013» halyqaralyq bitimgerlik jattyǵýyna qatysýshy elder qarýly kúshteriniń ókilderimen birge blok-postqa jasalǵan shartty túrdegi sodyrlardyń shabýylyn toıtara bildi. Bir atap ótetin jaıt – polıgondaǵy ahýal shynaıylyqqa para-par jaǵdaıda boldy.
AQSh, Italııa, Ulybrıtanııa jáne basqa da jattyǵýǵa qatysýshy elderdiń áskerı komandırleri, Qazaqstan armııasynyń bitimgerlik mıssııany oryndaýda zor áleýetke ıe bolyp otyrǵandyǵyn jáne «Qazbat» BUU sheńberinde kez kelgen memlekette basqa elderdiń qarýly kúshterimen birlesip áreket etýge daıyn ekenin atap ótti.
Jattyǵýǵa qatysqan NATO sarapshylary «Qazbattyń» is-qımylynyń joǵary deńgeıde ekendigine tańdanystaryn jasyrmady.
«Egemen-aqparat».
