Ákimshilik-iskerlik ortalyǵynda 7 qabatty 24 turǵyn úıdiń qurylysy júrgizilýde. 92,8 myń sh.m, 1452 páterli jańa baspanalar zamanaýı talaptarǵa sáıkes boı kótergen. Sonymen qatar, 5157 páterli 5-7-9-12 qabatty 73 turǵyn úıdiń qurylysy bastaldy. Jeke salýshylar arqyly 5 jáne 12 qabatty 54 turǵyn úılerdiń qurylysyn júrgizý josparlanýda. Jyl qorytyndysymen Túrkistanda 420 páterli 9 turǵyn úıdi paıdalanýǵa beriledi.
Turǵyn úılerdiń qurylys sapasy qatań baqylaýǵa alynǵan. Qurylys alańdaryn aralap, jumysshylarmen tildesken О́mirzaq Shókeev jaýaptylarǵa jumysty kúsheıtýdi tapsyrdy. Merdigerlerge qosymsha jumys kúshin tartýdy mindettedi.
«Qurylys barysynda eshqandaı kemshilikke oryn joq. Talap kúsheıtiledi. Jumyskerler sany jumysqa tusaý bolmasyn. Qajet bolǵan jaǵdaıda olardyń sanyn arttyrý kerek. Qosymsha jumys kúshin tartyńdar. Qaýipsizdik erejeleri durys saqtalyp, saqtyq sharalary qatań baqylansyn. Qurylystyń sapaly aıaqtalýyn, merziminde tapsyrýdy qadaǵalaımyz. Qurylys materıaldary tapshylyǵy oryn alsa, tasymaldaý jaǵyna kómek qolyn sozamyz. Qazirgi tótenshe jaǵdaı kezinde qosymsha qıyndyqtar oryn alsa, kezek kúttirmeı sheshýge atsalysamyz», dedi oblys ákimi.
