Keshe Astanada Qytaıdyń syrtqy saýda ortalyǵynyń bastamasymen konferensııa bolyp ótti. Ol Kanton jármeńkesiniń 114 ret ótkizilýine arnaldy. Sharaǵa qatysýshylarǵa Qytaıdaǵy eń iri saýda kórmesiniń erekshelikteri týraly áńgimelendi.
Keshe Astanada Qytaıdyń syrtqy saýda ortalyǵynyń bastamasymen konferensııa bolyp ótti. Ol Kanton jármeńkesiniń 114 ret ótkizilýine arnaldy. Sharaǵa qatysýshylarǵa Qytaıdaǵy eń iri saýda kórmesiniń erekshelikteri týraly áńgimelendi.
Tusaýkeser rásimine Qytaıdyń syrtqy saýda ortalyǵynyń vıse-prezıdent iSıýıBın bastaǵan ortalyq ókilderi keldi. Al Qazaqstan tarapynan eldegi iri mekemeler men ulttyq kompanııalardyń, sondaı-aq memlekettik organdar men Astana qalasynyń ákimdigi ókilderi qatysty. Kezdesý barysynda Qytaı men Qazaqstan kompanııalary ekonomıkanyń túrli salalary boıynsha birqatar kelisimsharttarǵa qol qoıdy.
Negizi, Qytaıdyń ımporttaý jáne eksporttaý boıynsha kórmesiniń 114 sessııasy ústimizdegi jyldyń 15 qazany men 4 qarashasy aralyǵynda ótedi. Azııadaǵy eń iri, al álemde úlkendigi jaǵynan úshinshi oryndy ıelenip turǵan «Pachjoý» kórme ortalyǵy Qytaıdyń Gýanchjoý provınsııasynda oryn tepken.
Kanton nemese Qytaı jármeńkesi atalyp ketken bul shara – kórshi eldegi eń úlken saýda kórmesi. Ony negizinen Qytaıdyń basty óndiris sóresi jáne syrtqy saýdadaǵy barometri dep ataıdy. Jármeńke atalǵan provınsııada jylyna eki ret, ıaǵnı kóktemde jáne kúz aılarynda ótkiziledi. Ár sessııa 3 kezeńnen turady. Olardyń árqaısysyna 150 myńnan astam ónim úlgileri qoıylady eken. Nátıjesinde, jármeńke jyl saıyn álemniń ár shetinen 200 myńnan astam kásipkerdi jınaıdy. Olardyń ózara jasaǵan kelisimderi ondaǵan mlrd. dollarǵa baǵalanady.
Osy jyldyń kókteminde ótken jármeńkeniń 113-sessııasynda kórme alańy 1,16 mln. sharshy metrdi qurapty. Ondaǵy stendilerdiń jalpy sany 59 531 bolsa, onyń 58 631-in Qytaıdyń óz kásiporyndary ıemdengen. Sondaı-aq, qatysqan 24 746 úlginiń 24 184-i kórshi eldiń ulttyq pavılonynda jaıǵasqan.
Nurbaı ELMURATOV,
«Egemen Qazaqstan».
