Basqarma basshysynyń aıtýynsha, azamattardy ekspress-testileý tek epıdemıologııalyq kórsetkishter boıynsha júrgiziledi.
«Dál qazirgi ýaqytta Nur-Sultan qalasyna ekspress-test jetkizildi. Bul testileý Bas memlekettik sanıtar dárigerdiń qaýlysyna sáıkes epıdemıologııalyq kórsetkishter boıynsha qatań júrgiziledi. Eń birinshi kezekte koronavırýs indeti taralýynyń aldyn alý jumystaryna jumyldyrylǵan memlekettik jáne memlekettik emes organdardyń qyzmetshileri, medısınalyq-sanıtarlyq uıymdardyń baqylaýynda turǵan dıspanserlik toptaǵy tulǵalar men medısına qyzmetkerleri testileýden ótedi. Bul jumystar búginnen bastalady»,- dedi Sáýle Qısyqova.
