«Memleket basshysy aǵymdaǵy jyldyń kóktemgi egis jumystaryn ýaqytynda júzege asyrý boıynsha mindet qoıdy. Qysqa agromerzimde sapaly ótkiziletin kóktemgi egis jumystary jaqsy ónim kepili bolyp tabylady. Bul eldiń azyq-túlik qaýipsizdigine tikeleı áser etetini belgili. 2020 jyly aýylsharýashylyǵy daqyldarynyń jalpy egis kólemi 22.5 mln gektardy qurady. Dándi –daqyldar alańy 15.2 mln gektar. Onyń ishinde bıdaı alańy 11.4 mln gektar. Memleket basshysynyń tapsyrmasy boıynsha egis alqaptaryn ártaraptandyrý jáne joǵary rentabeldi daqyldar ósirýge kóshý boıynsha jumystar jalǵasýda. Osylaısha, maıly daqyldar alańy 3 mln gektardy qurady» dedi ol.
Sondaı-aq ol kókónis pen kartop alańdary 19 myń gektarǵa, azyq daqyldary alańy 309 myń gektarǵa ósýge qamtamasyz etilgendigin aıtty.
«Egis alańdarynynyń qurylymyn oblys ákimderine ishki naryqtyń qajettiligine qaraı jetkizemiz. Mysaly, qaraqumyq alańyn 30 myń alańǵa kóbeıtý josparlanýda. Bul ózimizdi qaraqumyqpen tolyq qamtamasyz etýge múmkindik beredi. Oblystardyń jergilikti bıýdjetinen tuqym sharýashylyǵyn damytýǵa sýbsıdııa 11.3 mlrd teńge qarastyrylǵan. Qosymsha respýblıkadan 2,5 mlrd teńge bólindi. Sondaı-aq joǵary ónimdi alý úshin tyńaıtqyshtardy qoldaný mańyzdy ról atqarady. 2020 jylǵa oblystardyń jergilikti bıýdjetterinen 23.3 mlrd teńge qarastyrylǵan. Bul 480 myń tonna tyńaıtqyshty satyp alýǵa múmkindik beredi» dedi Aıdarbek Saparov.
