Qoǵam • 08 Sáýir, 2020

E-Polisia KZ qosymshasy iske qosyldy

180 ret

kórsetildi

1 mın

oqý úshin

E-Polisia KZ qosymshasyn Ishki ister mınıstrliginiń qoldaýymen Almaty qalalyq Polısııa departamenti daıyndap, búginnen bastap qoldanysqa endi dep habarlaıdy Almaty qalalyq Polısııa departamentiniń baspasóz qyzmeti.

Elvıra SERIKQYZY

«Qazirgi kezeńdegi onyń eń mańyzdy artyqshylyǵy - KVI-men kúresý jónindegi Jedel shtabtyń arnaıy málimetter bazasynda JSN boıynsha jáne kólik quraldarynyń memlekettik tirkeý nómiriniń bolýyn tekserý. Endi kez kelgen azamat óziniń mobıldi qurylǵysyn paıdalanyp, qosymshany júktep alyp, onyń osy derekqorda bar-joǵyn jáne sáıkesinshe, qalada karantın kezeńinde júrýge ruqsaty bar-joǵyn bile alady. Demek, bizdiń Call-ortalyqqa 254-40-07 telefonyna avtomatty túrde qońyraý shalýdyń qajeti bolmaıdy. Sondaı-aq osy qosymshanyń kómegimen siz onlaın rejıminde polısııaǵa ótinish, shaǵym, sıgnal bere alasyz, sonymen qatar, koronovırýs týraly tıisti aqparatpen tanysa alasyz. Búgingi tańda kóptegen azamat joǵaryda atalǵan taqyryp qyzyqtyrady, sondyqtan «Jıi qoıylatyn suraqtar» aıdary atalǵan taqyrypqa beıimdelgen. Sonymen qatar qosymshada karantındik aımaqtyń perımetri boıynsha jol tosqaýyldaryn kesip ótý erejeleri týraly bólim bar» dep habarlady Almaty qalalyq Polısııa departamentiniń bastyǵy, polısııa polkovnıgi Qanat Taımerdenov.

Qosymshanyń basty paraǵynda Polısııa basqarmasy, aýdandyq ákimdikter men polısııa bólimderiniń ornalasqan jeri týraly málimetter, sondaı-aq, ýchaskelik pýnktter ornalasqan.