Búginde jańa kóshelerde jol negizin daıarlaý, aıaq joldardyń jıektastaryn ornatý jumystary júrgizilýde. Sonymen qatar, Maıkótov kóshesine deıin avtojol salynýda. Oblys ákimi О́mirzaq Shókeev Túrkistan turǵyndarynyń ómir súrý sapasyn jaqsartýdyń negizi retinde ınfraqurylymdy damytýǵa erekshe mán berýde. Osy oraıda, óńir basshysy jaýapty sala jetekshilerimen birge oblys ortalyǵyn aralap, qalanyń Bas josparyna sáıkes atqarylyp jatqan jumystardy pysyqtady, tıisti sala basshylaryna naqty tapsyrmalar berdi. Shahardaǵy jol jóndeý, gaz, aýyzsý men káriz júıesin júrgizý jumystarymen tanysqan oblys ákimi tıisti sala jetekshilerinen qurylystyń kestege sáıkes belgilengen merziminde aıaqtalýyn talap etti.
Qala aýmaǵynda «Jasyl beldeý» qalyptastyrý boıynsha bıyl 100 gektar jerge temirjol boıynyń oń jaǵalaýy men Arys-Túrkistan arnasynyń aınalasyn jasyl jelekke oraý josparlanǵan. Sonymen qatar, qala aýmaǵynda jańa jobaǵa sáıkes B.Sattarhanov dańǵylynda tireý beketin ornatý, Qyzylorda tas joly boıynda alleıa alańy men temirjol vokzalynyń aldyna tas tósep, «Jeńis» saıabaǵynan ortalyq bazarǵa baratyn joldy abattandyrý jumystary bastaldy. Arys-Túrkistan arnasynan bastaý alatyn birneshe ırrıgasııalyq kanaldardyń qurylysyn mamyr aıynda tolyq aıaqtap, paıdalanýǵa berý kózdelgen. Túrkistan qalasynda 52 myńnan astam abonenttiń 65%-na gaz qubyrlary tartylǵan. Turǵyndardy tabıǵı gazben qamtamasyz etý jumystary jalǵasýda. Bıyl bıýdjetten qaralǵan qarjyǵa 25 nysannyń qurylys jumystaryn júrgizip, jyl sońyna deıin Túrkistan qalasyn gazben tolyǵymen qamtý kózdelip otyr.
Sondaı-aq nebári 16%-y káriz júıesimen qamtylǵan Túrkistan qalasynyń ekologııalyq jaǵdaıyn jaqsartý maqsatynda jan-jaqty taldaý jumystary júrgizilgen. Nátıjesinde qalany 2021 jylǵa deıin 100% káriz júıesimen qamtamasyz etetin 10 nysannyń jobasy ázirlenip, keshendi josparǵa engizilgen.
Túrkistan oblysy
