«AQSh Sırııaǵa qarsy áskerı áreket júrgizetin bolsa, Taıaý Shyǵysta ornalasqan Amerıkalyq nysandardyń barlyǵy da jankeshtiler batalondarynyń shabýyldaryna ushyraıtyn bolady», – dep málimdedi Sırııanyń «Ash-Shabab» oppozısııalyq partııasynyń bas hatshysy Mahır Mırhıdj. Bul týraly ITAR-TASS habarlady.
«Biz Sırııa úkimetine qarsy oppozısııalyq kúsh bolǵanymyzben, otanymyzdyń biz úshin úlken mańyzy bar. Osyǵan oraı biz Taıaý Shyǵystaǵy Amerıka nysandaryna qarsy operasııa júrgizýge daıyn birneshe jankeshtiler batalonyn qurdyq». – dedi oppozısııa ókili.
«AQSh Sırııaǵa qarsy shekteýli áskerı operasııa júrgizgenniń ózinde Sırııa halqy tarapynan jaýap qaıtarylyp, bul áreket keń aýqymdy soǵysqa ulasyp ketýi múmkin», – deıdi "Ash-Shabab" partııasynyń basshysy. Ol sondaı-aq, Damaskide hımııalyq qarýdy Sırııanyń ishki oppozısııasy da, úkimet áskeri de qoldanbaǵanyn alǵa tartty. Partııa basshysynyń aıtýy boıynsha, hımııalyq qarýdy elge Túrkııa aýmaǵynan kirgen radıkaldy ekstremıster qoldanǵan.
Aıdar О́risbaev.
