Aımaqtar • 09 Sáýir, 2020

Toıdyń sońy topyrlaǵan syrqat

817 retkórsetildi

Sáýirdiń 7-si kúni oblystyń bas sanıtarııalyq dárigeriniń №7 qaýlysy qabyldandy. Osyǵan deıingi karantındik sharalar kúsheıtilip, keıbir shekteýler talaby qataıa tústi. О́ıtpeske taǵy bolmaı tur – óńirde dert juqtyrǵandardyń qatary sát sanap ósip barady.

Jańa qaýlyǵa baılanysty ob­lystyq taýarlar, qyz­met­ter­diń sapasy men qaýip­siz­di­gin baqylaý departamenti bas­shysynyń orynbasary, aı­­maq­tyń bas sanı­tarııalyq dá­rigeri Álııa Ábdi­qaıymova óńir­­lik kommýnıka­sııalar qyz­metinde onlaın brı­fıng ótkizdi. Oblysta tirkel­gen naýqastardyń shamamen 60-70 paıyzy jastar eken. Bul negizinen dárigerlerdiń es­ker­týine qulaq aspaı, saýyq keshin uıymdastyrýdan bolyp otyr.

– Aımaqta ınfeksııanyń ta­raýynda toptyq jaǵdaılar kóp­tep tirkelip jatyr. Mysaly, jaqynda ǵana Nur-Sultan qala­synan kelgen stýdent boıjetken oqshaýlaný tártibin saqtamaı qurbylarymen kezdesken, synyptastarymen saýyq keshin uıymdastyrǵan. Osylaısha indet irgesin jaıa túsken, – deıdi Álııa Ábdiqaıymqyzy.

Jańa qaýly boıynsha turǵyn­darǵa kóshede toptasyp júrýge tyıym salynyp otyr. О́lim-jitim jaǵdaıynda jınalýǵa da shekteý qoıyldy. Jasy 55-ten asqandar úı karantınin qatań saqtaýy tıis. Al temir jol, ken salasy ma­mandarynyń jumys tártibi jerigilikti atqarýshy organ she­shimine qaraı retteledi.

Osynyń bári aýrýdyń taralý aıasyn shektep, adamdardy qaterli indetten aman alyp qalý úshin jasalyp jatqan amaldar. Biraq eskertýdi elemeıtinder otbasylyq basqosýlardy toq­tatpaı, kerisinshe údete túsken jaǵ­daılar da bar. Mysaly, óńir­de boıynan eń alǵash korona­vırýstyq ınfeksııa anyqtalǵan adam áýletindegi 21 janǵa qaýipti indetti juqtyryp úlgergen. Shıe­­li aýdanyndaǵy 6 naýqastyń da bir úıdiń adamdary ekendigi anyqtalyp otyr. Taıaýda osy aýdan­nan tirkelgen 13 derek te osyndaı oısyzdyqtyń saldary. «Ne bolar deısiń?!» degen nemkettilikten aıadaı ǵana aýyldan 25 syrqat shyqty.

Qazirgi jaǵdaı eshkimge ońaı tıip otyrǵan joq. Indet kesi­rinen aǵaıynnyń toıy túgili topyraqty ólimine ba­ra almaı pushaıman bolyp otyr­ǵan­dar kóp. О́ıtkeni, talap son­daı. Al ol saqtalmasa epı­de­mıolo­gııalyq ahýal odan saıyn ór­shıtini anyq. Qazir Qy­zyl­orda elimiz boıynsha aýrý sany jóninen aldyńǵy úsh oblys­tyń qatarynda tur. Bas dári­ger karantındik talapqa júr­dim-bardym qaraıtyn bol­saq, jaǵdaı budan da ýshyǵyp ketýi múmkin ekendigin eskertti.

Abaı bolaıyq, aman bolaıyq!

 

QYZYLORDA

 

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Halyqaralyq stýdentter forýmy aıaqtaldy

Aımaqtar • Búgin, 09:25

Shaıqynyń dombyrasy

О́ner • Búgin, 08:15

Teatr aldyndaǵy tarlandar

Rýhanııat • Búgin, 08:13

Shámshi ǵumyrynyń beımálim betteri

Rýhanııat • Búgin, 08:09

Jekpe-jekte jeńilmegen jigitter

Boks • Búgin, 08:06

Pandemııa: Stıven stıhııasy

Álem • Búgin, 07:51

Lý Shún. Marjan súzgen jazýshy

Ádebıet • Búgin, 07:50

Onlaın-ekskýrsııa uıymdastyrdy

О́ner • Búgin, 07:40

Uqsas jańalyqtar