Qazaqstan Respýblıkasy Parlamenti Senatynyń Tóraǵasy Qaırat Mámı Joǵary qarjy-baqylaý organdary basshylary keńesiniń HIII sessııasyna qatysý úshin Astanaǵa kelgen TMD elderi Esep komıtetteri tóraǵalarynyń delegasııasymen kezdesti, dep habarlady Qazaqstan Respýblıkasy Parlamenti Senatynyń baspasóz qyzmeti.
Qazaqstan Respýblıkasy Parlamenti Senatynyń Tóraǵasy Qaırat Mámı Joǵary qarjy-baqylaý organdary basshylary keńesiniń HIII sessııasyna qatysý úshin Astanaǵa kelgen TMD elderi Esep komıtetteri tóraǵalarynyń delegasııasymen kezdesti, dep habarlady Qazaqstan Respýblıkasy Parlamenti Senatynyń baspasóz qyzmeti.
Kezdesý barysynda Q.Mámı Keńestiń memleketaralyq baılanystardy damytýdaǵy jáne memlekettik qarjy-baqylaýdyń tıimdiligin arttyrýdaǵy rólin atap ótti.
Onyń aıtýynsha, Qazaqstanda oılastyrylǵan jáne uqypty bıýdjet-qarjylyq úderisterine erekshe mańyz beriledi. Senat Tóraǵasy parlamenttik baqylaýdyń mańyzdy baǵyttarynyń biri – elimizdiń bıýdjetin qalyptastyrý jáne onyń atqarylýyn baqylaýdaǵy Esep komıtetiniń belsendi rólin atap ótti. «Bizdiń ortaq jáne basty mindetimiz – bıýdjetti jáne memlekettik, salalyq baǵdarlamalar men ınvestısııalyq jobalardy iske asyrýǵa bólingen maqsatty transfertterdi oryndaýdyń meılinshe tıimdiligine qol jetkizý», – dedi Tóraǵa.
Q.Mámı Keńeske qatysýshylarǵa joǵary qarjy-baqylaý organdary arasynda syndarly únqatysý men áriptestik qatynastardyń pármendi úlgilerin ázirleýge tilektestigin bildirdi.
