«Prorva» ken orny ıgerilýiniń jarty ǵasyrlyq mereıtoıynda munaıshylarǵa qurmet kórsetildi
Qazaq jeriniń ústi tarıhı shejirege, al tuńǵıyǵy tabıǵı baılyqqa tunyp tur. Tereń tuńǵıyqtan «qara altyn» selin tasytqan otandyq munaı-gaz ónerkásibiniń jylnamasy Jylyoı aýdanynan bastaý alady. Bir ǵasyrdan astam tarıhy bar «qara altynnyń» alǵashqy tamshysy osy aýdandaǵy «Qarashúńgil» atalatyn ken ornynan alynǵan. Sodan beri qazaq jerinen «qara altynnyń» tasqyny áste tolastaǵan emes. Jeti qat jer astyndaǵy munaı men gazdyń mol qoryn tamyrshydaı tap basatyn bilikti mamandardyń aıtqanyndaı, qazaq munaıynyń qaınar bulaǵy áli de talaı jyl boıy el ıgiligine jaratyla beredi.
«Prorva» ken orny ıgerilýiniń jarty ǵasyrlyq mereıtoıynda munaıshylarǵa qurmet kórsetildi
Qazaq jeriniń ústi tarıhı shejirege, al tuńǵıyǵy tabıǵı baılyqqa tunyp tur. Tereń tuńǵıyqtan «qara altyn» selin tasytqan otandyq munaı-gaz ónerkásibiniń jylnamasy Jylyoı aýdanynan bastaý alady. Bir ǵasyrdan astam tarıhy bar «qara altynnyń» alǵashqy tamshysy osy aýdandaǵy «Qarashúńgil» atalatyn ken ornynan alynǵan. Sodan beri qazaq jerinen «qara altynnyń» tasqyny áste tolastaǵan emes. Jeti qat jer astyndaǵy munaı men gazdyń mol qoryn tamyrshydaı tap basatyn bilikti mamandardyń aıtqanyndaı, qazaq munaıynyń qaınar bulaǵy áli de talaı jyl boıy el ıgiligine jaratyla beredi.
Elý jyldan beri bir óńirdiń ǵana emes, táýelsiz eldiń yrysyna aınalǵan ken ornynyń biri – «Prorva». Kaspıı teńizine taıaý ornalasqan Prorvanyń ıgerilýinde myńdaǵan munaıshynyń qoltańbasy, mańdaı teriniń jemisi bar. Bul ken ornyna alǵashqy barlaý jumystary 1960 jyldary bastalypty. Al 1963 jyldyń 11 tamyzynda alǵashqy munaıdy alýǵa qol jetkizilipti. О́zge ken oryndaryna qaraǵanda munaıynyń sapasy men quramy ózgesheleý keletin «Prorvanyń» №1 uńǵymasyn Tólesh Qulgeldıev jetekshilik etken brıgada munaıshylary qazypty. Árıne, el ıgiligi jolyndaǵy maqsatty iste bir-birimen ázilin jarastyra kún-tún demeı, damylsyz jumys jasaǵan munaıshylardy ortaq maqsatqa jumyldyrǵan Saǵıdolla Nurjanov, Qumar Baljanov, Orynǵazy Esqazıevtaı basshylardyń uıymdastyrýshylyq qabileti jarqyraı kóringenin sala mamandary jyr ǵyp aıtady.
«Prorva» – talaı bilikti munaıshylardyń eńbek joly bastalǵan, qanaty qataıǵan meken. «Prorva» ken ornyn ıgerýge eleýli úles qosqan munaıshylardy bir-birinen bóle jarýǵa bolmaıdy. Degenmen, dál osy ken ornynda eńbek jolyn bastap, aldyńǵy býynnyń tájirıbesinen tálim alǵan jas munaıshylardyń deni keıinnen bilikti basshylyqtyń bıigine kóterilgenin aıtý lázim. Máselen, Ýfa munaı ınstıtýtynyń túlegi, búgingi Atyraý oblysynyń ákimi Baqtyqoja Izmuhambetov te Prorvada eńbek jolyn bastapty. Bul bir ǵana mysal. Jalpy, «Prorvanyń» tereń tuńǵıyǵyndaǵy «qara altyndy» el ıgiligine jaratqan munaıshylardyń shejireli joly birneshe býynǵa jalǵasyp keledi.
«Jylyoımunaıgaz» basqarmasynyń basshysy Amangeldi Súleımenovtiń aıtýynsha, «Prorva» qoınaýyndaǵy «qara altynnyń» mol qory ázir taýsyla qoımaıdy. Jarty ǵasyrda bul ken ornynan 36351,8 myń tonnasy óndirilipti. Al áli de óndirilýge tıis munaı qory 16 mıllıon tonnadan asady. О́nimdi ysyrapsyz óndirý úshin jańa tehnologııalar keńinen qoldanyla bastapty. Burynǵydaı emes, munaıshylardyń áleýmettik turmysy da jaqsara túsken. Ony munaıshylardyń ózderi de jasyrmaıdy. Máselen, osy ken ornynda 1976 jyldan úzdiksiz eńbek etetin operator Ońaıbaı Embergenov «sonaý keńestik dáýirdegi jaǵdaıymyzben búgingini de salystyrý tipten múmkin emes. Buryn munaıdy ólsheý qurylǵylary qolmen atqarylatyn edi. Qazir bári basqasha, munaı ólsheý qurylǵylary avtomattandyrylǵan, tehnıkalarymyz jańardy, óndiriske jańa tehnologııa keldi. Qorshaǵan ortanyń tazalyǵyna mán beriledi», deıdi aǵynan jaryla.
Muhamedjan Sydyqov ta osy ken ornynda eńbek jolyn bastady. Qazir tájirıbesi tolysqan bilikti maman retinde eńbegi elenip júrgen munaıshyǵa aınaldy. «Men ózimdi ákem Bazardyń jolyn jalǵastyrýshymyn dep esepteımin. О́ıtkeni, ákem óziniń sanaly ǵumyrynyń 45 jylyn «Prorva» ken ornynyń burǵylaý jumystaryna arnady. Meni munaıshylyq kásipti meńgerýge baýlydy. «Elý jylda el jańa» degendi bala kúnimizden sanamyzǵa quıyp óstik. Endi bul kúnderi shynymen de, elý jylda el ómirinde jańasha ózgerist
