Sýretti túsirgen Dýman Qurmanǵalıev
Qorǵanys mınıstrliginde kezekti apparat keńesi ótip, onda áskerlerdegi koronavırýstyń aldyn alý sharalaryn kúsheıtý máseleleri, sondaı-aq aldaǵy áskerı mindettilerdiń arnaıy jıyny talqylandy. Qarýly Kúshterde áskerı qyzmetshilerdiń densaýlyq qaýipsizdigin qamtamasyz etýge, jeke quram men otbasy músheleriniń arasynda vırýsty juqtyrý jaǵdaılaryn boldyrmaýǵa baǵyttalǵan aýqymdy jumystar jalǵastyrylýda.
Barlyq áskerı bólimder men mekemelerde pandemııaǵa qarsy qorǵanýdy kúsheıtý maqsatynda ótkizý rejimi medısınalyq súzgimen jabdyqtalǵan tek bir ǵana baqylaý-ótkizý beketi arqyly júzege asyrylady. Bir ret qoldanylatyn medısınalyq maskalardy aýystyrý tártibin saqtaı otyryp kııý mindetteldi. Barlyq áskerı qyzmetshiler mindetti túrde kúnine eki ret medısınalyq tekserýden ótedi.
Jeke quramdaǵy áskerı qyzmetshilerdiń arasyn 2 metr qashyqtyqtyqty saqtaı otyryp sapty alshaq turyp ótkizý tapsyryldy.
Keńes barysynda Qorǵanys mınıstri Nurlan Ermekbaev barlyq aldyn alý sharalaryn naqty saqtaý qajettigine nazar aýdardy.
Áskerı mindettilermen arnaıy jıyn ótkizýge basa nazar aýdarylady. Qorǵanys vedomstvosynyń basshysy barlyq qatysýshylardy qajetti zattarmen jáne maýsym boıynsha belgilengen áskerı kıim nysany jıyntyǵymen ýaqtyly qamtamasyz etýdi tapsyrdy. Barlyq is-sharalardy sanıtarlyq-gıgıenalyq normalardy qatań saqtaı otyryp ótkizý qajet.
Memleket basshysynyń 2 sáýirdegi Jarlyǵyna sáıkes, oblystar men Respýblıkalyq mańyzy bar qalalardyń ákimdikteri aýmaqtyq áskerlerdiń áskerı mindettilerin jıyndarǵa shaqyrý quqyǵyna ıe boldy. Jıynnyń merzimi men shaqyrylatyndardyń sanyn ákimshilik ózderi anyqtaıdy. Qazaqstan Respýblıkasy Qarýly Kúshteri Joǵarǵy Bas qolbasshysynyń bul sheshimi ártúrli mindetterdi sheshý úshin barlyq qoljetimdi resýrstardy paıdalanýǵa múmkindik beretin jergilikti atqarýshy organdardy qoldaýdyń tıimdi sharasy boldy. Mundaı qadam jurtshylyqtyń basym bóliginiń maquldaýymen, eldiń ıgiligi úshin ortaq iske óz erkimen úles qosqysy keletin jastardyń ótinishterimen qoldaý tabýda.
