– Eń aldymen, bul aǵartý jumysy ekenin aıta ketý kerek. Barlyq áskerı qyzmetshiler koronavırýstyń qandaı qaýipti jáne ony juqtyrýdyń aldyn alý joldary qalaı ekenin biledi. Sanıtarlyq baqylaý jáne óńdeý sharalary arttyrylady. Qyzmettik bólmeler men kazarmalardy kúndelikti dezınfeksııalaý qalypty jaǵdaıǵa aınaldy. Búgingi kúni áskerı bólimderde jeke tazalyq úshin dezınfeksııalyq quraldar bəri úshin qol jetimdi. Sondaı-aq árbir áskerı qyzmetshiniń densaýlyq jaǵdaıyna úlken kóńil bólinedi. Bizdiń barlyq medısına qyzmetkerleri jeke quramnyń kóńil kúıine úzdiksiz baqylaý júrgizip otyrady.
– Qashyqtan jumys isteýge kóshý josparda bar ma?
– Joq. Áskerı qyzmetshiler qashyqtan jumys isteýge kóshpeıdi. Olar karantın týraly aıtpaǵanda, tipti áskerı is-qımyldar jaǵdaıynda da óz mindetterin oryndaýy kerek. Jaýyngerlik daıarlyq eshqandaı jaǵdaıda da nuqsan kelmedi. Biraq bizde búgin kóptegen adamnyń jınalýyna baılanysty jappaı is-sharalar toqtatyldy. Áskerı qyzmetshilerdiń bir bóligi kestege sáıkes demalysqa jiberildi. Jaýyngerlik daıarlyqqa baılanysty emes mindetterdi, keńse qyzmetterin oryndaıtyn azamattyq personal qashyqtan, ıaǵnı úıde jumys isteıdi. Kún saıyn áskerı bólimderden tysqary shyǵatyn kelisimshart boıynsha áskerı qyzmetshilerdiń jaýyngerlik daıarlyǵy bólimde táýlik boıy bolatyn merzimdi qyzmet áskerı qyzmetshilerden bólek júzege asyrylady. Merzimdi qyzmettegi áskerı qyzmetshilerdi jáne áskerı oqý oryndary kýrsanttaryn bosatýǵa jəne olardyń týystary men jaqyndaryna barýǵa tyıym salynady. Biraq olarmen qarym-qatynas jasaý úshin smartfondardy paıdalaný múmkindigi keńeıtildi. Ata-analar tynyshtyǵy basty nazarda bolyp otyr.
– Basshylyq quramnyń qaýipsizdigi úshin qosymsha sharalar qabyldana ma?
– Joq, barlyq áskerı qyzmetshiler úshin keshendi is-sharalar shtattyq rejimde júzege asyrylady: dezınfeksııa, sanıtarlyq óńdeý, jeke tazalyq erejelerin saqtaý boıynsha usynystar da qarastyrylady. Biraq barlyq keńester tek selektorlyq rejimde ótkiziledi. Budan basqa, Qorǵanys mınıstriniń ózara almastyrýshy basshylary men orynbasarlary arasyndaǵy tikeleı baılanystar alynyp tastaldy. Osyǵan uqsas erejeler Qorǵanys mınıstrliginen jeke áskerı bólimge deıin basqarýdyń barlyq deńgeılerinde engizildi. Bul saqtyq sharalary memlekettik qajettilik maqsatynda uıymdastyrylǵan Qarýly Kúshterdiń úzdiksiz jumys isteýin qamtamasyz etýge baǵyttalǵan. Bul jaǵdaıda jaýyngerlik qabilettilikti saqtaý – áskerı ǵylym men təjirıbesiniń talaptarynyń biri bolyp sanalady. Osy is-áreketter algorıtmi aldyn ala qarastyrylǵan jáne qazir iske asyryldy.
Áńgimelesken
Ǵabıt ISKENDERULY,
«Egemen Qazaqstan»
