Aımaqtar • 10 Sáýir, 2020

Jańa jumys oryndary ashylady

42 retkórsetildi

Memleket basshysy Qasym-Jomart Toqaev taıaý­da ǵana tótenshe jaǵdaıda eldi jumyssyzdyq jaılamas úshin halyqty eń­bek­­pen qamtýdyń naqty jo­ba­­laryn iske asyrýdy tap­syr­ǵan bolatyn.

Mańyzdy tapsyrma ob­lys­tyq ákimdikte arna­ıy talqylanyp, qosymsha ju­mys oryndaryn ashý má­se­­­lesi pysyqtaldy. О́ńir bas­­shysynyń aıtýynsha, Qos­ta­naı oblysynda «Ju­­myspen qamtýdyń jol kar­tasy» aıasynda 13 435 jumys orny paıda bolady. Qazirdiń ózinde jańa jumys oryndaryna tartylatyn 6 718 adam belgili bolyp otyr. Baǵdarlama bo­ıynsha shalǵaıdan kelip ju­mys­qa orna­lasýshylardyń qo­lyna bir­den 85 myń teńge kótermeaqy usta­tyl­ady.

Sondaı-aq mobıldi ju­mys­­shy kúshin qabyldaý oryndary qurylady. Jumysqa ornalasýshylar osy jerden koronavırýske testileýden ótip, arnaıy bólingen kólik­pen jańa jumys ornyna jet­ki­ziledi.

– Bul baǵyttaǵy túsindirý ju­­mys­taryna Nur Otan partııasy men qoǵamdyq uıymdar belsene kirisýi kerek. Baǵdarlamaǵa tar­tyl­ǵan kásiporyndar jumysqa ornalasýshylarǵa jaqsy jaǵdaı jasap, qorǵanysh quraldarymen qamtýy kerek, – dedi oblys ákimi.

Arhımed Muhambetov bıznes salasyna da úlken qoldaý kórsetiletinin aıtty. Oblystyń shaǵyn jáne orta bıznes salasynda 51 494 kásiporyn jumys isteıdi. Bul kásiporyndarda 160 myńǵa jýyq adam tu­raq­ty eńbek etedi. Olardyń qys­qar­týǵa túsip qalmaı, aılyq ja­la­­q­y­syn ýaqtyly alyp otyrýyn qamtamasyz etý úshin kóp­­te­gen kásiporynnyń nesıe tólem­in­iń merzimi shege­ri­­lip, salyqtan bosatyldy. Máse­len, saýda oryndary men dám­hanalar, transport, týrızm, qonaq úı bıznesimen aı­na­lysatyn kásipkerler 1 sáýir­­den bastap qazan aıyna deıin jarty jyl boıy salyq tóleý­den bo­satyldy.

 

Qostanaı oblysy

 

Sońǵy jańalyqtar

Eldik nyshandar tarıhy

Qazaqstan • Keshe

Uqsas jańalyqtar