Konstıtýsııa merekesi qarsańynda Kókshetaý qalasynda
«Qoljetimdi baspana-2020» baǵdarlamasy sheńberindegi turǵyn úı qurylys jınaq salymdary» júıesimen 90 páterli úsh úı paıdalanýǵa berildi.
Konstıtýsııa merekesi qarsańynda Kókshetaý qalasynda
«Qoljetimdi baspana-2020» baǵdarlamasy sheńberindegi turǵyn úı qurylys jınaq salymdary» júıesimen 90 páterli úsh úı paıdalanýǵa berildi.
Qýanysh ıelerine kilt tapsyrý saltanatynda qala ákiminiń orynbasary Altynaı Ámirenova Elbasymyz turǵyn úı qurylysyn memlekettik saıasattyń basym baǵyttarynyń biri retinde belgilegenin atap kórsetti. Bul oraıda Kókshetaý mańyzdy mindettiń údesinen shyǵa bilýde. Byltyr Turǵyn úı qurylys jınaq bankiniń salymshylary alǵashqy úsh úıge qonystanǵan bolatyn. Al, ústimizdegi jyldyń sońyna deıin jalpy aýmaǵy 80 myń sharshy metrlik 11 úı qalamyzǵa kórik qosatyn bolady.
Memlekettik baǵdarlamany júzege asyrýdyń basy-qasynda júrgen «Turǵyn úı qurylys jınaq banki» AQ Aqmola oblystyq fılıalynyń dırektory Aıbas Jarqymbaevtyń sózi kópshilikke oı salǵandaı edi.
– Elimiz óz turǵyndaryna merekelik tartýlar jasaýdy ıgi dástúrge aınaldyrdy, – dedi ol. – Búgingi qýanyshty shara sonyń bir kórinisi. Jalpy, turǵyndar «Qoljetimdi baspana-2020» baǵdarlamasynyń túpki maqsatyn túsine bastady, oǵan ózderi de belsene qatysyp otyr. Máselen, «Sentralnyı» shaǵyn aýdanyndaǵy 60 páterli eki úıge ótinish bergen salymshylarymyzdyń sany 208-ge jetti. Suranystyń artýyna baılanysty, kelesi jyly «Saryarqa» jańa shaǵyn aýdany men «Jansaıa» turǵyn úı kesheninde 300 páterli 10 úıdiń qurylysyn júrgizýdi josparlap otyrmyz. Demek, bank klıentteri qarjy aınalymy tártibi men ony tıimdi paıdalaný, shyǵyndardy josparlaý úrdisine múddelilik tanytýda dep aıta alamyn.
Baqbergen AMALBEK,
«Egemen Qazaqstan».
Aqmola oblysy.
