Qazaqstannyń 2,2 mıllıon zeınetkeriniń zeınetaqylaryn ýaqytyly alýy osy qyzmetkerlerge baılanysty, deıdi ortalyq mamandary. Tólemder men múgedektikke baılanysty járdemaqy, kópbalaly otbasylarǵa arnalǵan járdemaqy, bala týýyna baılanysty jáne t.b. áleýmettik tólemaqylarǵa qatysty suraqtarǵa osy qyzmetkerler jaýap berýde.
Qazirgi kezde jurtshylyqty tolǵandyryp otyrǵany 42500 teńgeni alý máselesi. Bul járdemaqyny Azamattarǵa arnalǵan úkimet Áleýmettik blogynyń qyzmetkerleri qujattar men ótinishterdi ázirlep, tólemaqylardy azamattarǵa aýdaryp otyrady. Sonymen qatar atalmysh jumystar aıtarlyqtaı jaýapkershilikti de júktep otyr.
«Syn saǵatta barlyq qazaqstandyqtar tózimdilik, birlik pen sanalylyq tanytý qajet. Biz de ózimizdiń jumysymyzdy adal oryndaýǵa tyrysyp jatyrmyz. О́ıtkeni búgingi kúni jaýapkershilik tanytý asa mańyzdy bolyp otyr», - deıdi Azamattarǵa arnalǵan úkimettiń Naýryzbaı aýdandyq bek-ofısiniń qyzmetkeri Jomart Saýranbaev.
Al, Gúlbaný Qurbanova bolsa 2015 jyldan beri áleýmettik bloktyń Almaly bek-ofısinde jumys istep keledi. Eki balanyń anasy. «Karantın bizdi kóptegen nárselerge basqasha qaraýǵa úıretti. Ata-analardyń bala tárbıesimen aınalysýyna mol múmkindik týdy. Sondyqtan, men karantın ýaqytynyń jaǵymdy jaǵyn kórýge tyrysamyn. Úıde otyryp ta jumysqa úlgerip jatyrmyn. Sondyqtan, balaly analarǵa keleshekte de qashyqtyqtan jumys isteý jolyn tańdaý kerek bolatyn shyǵar», - deıdi ol.
Almaly aýdandyq bek-ofısiniń basshysy Qalııa Bazıkenovanyń aıtýynsha, 42500 teńgeni alý úshin túsip jatqan ótinishter kóp. Tek Almaly aýdanynyń ózinde ǵana 5 myńǵa jýyq ótinim óńdelgen. Áriptesterimen birge artylyp otyrǵan júktemeni abyroımen kóterip, qyzmetterdi sapaly kórsetýge asa mán berip otyrǵanyn aıtady. Sonymen qatar, ótinimderdiń kóp túsýine baılanysty kúndiz-túni demalyssyz jumys isteýge kóshken. Ol jumys júktemesiniń artylýyna qaramastan eńbek etip otyrǵan áriptesteriniń tabandylyǵy men biliktiligine óz alǵysyn bildirdi.
Elimiz basynan qıyn kezeńdi ótkerip otyrǵan sátte, judyryqtaı jumylyp, kúni-túni jumys istep otyrǵan fılıaldyń barlyq qyzmetkerlerine zor alǵysymdy bildiremin. Bizdiń úlken komanda dárigerler men polısııa qyzmetkerleri sekildi, olar da óz jumys oryndarynda (biri keńsede, endi biri úıde) 14 saǵattyq jumys kestesimen demalys kúnderi de eńbek etip, halyqqa onlaın rejımde qyzmet kórsetýde. Bular - Azamattarǵa arnalǵan úkimettiń Almaty fılıalynyń 400-den astam qyzmetkerleri.
1414 baılanys ortalyǵyna qosylǵan operatorlarymyz 10 myńnan astam adamǵa keńes berdi. Vıdeo qońyraýdy qabyldaýda otyrǵan operatorlarymyz 3,4 myń azamatty Mgov Mobile qosymshasyna tirkese, bek-ofısterdegi áleýmettik blokta isteıtin qyzmetkerlerimiz áleýmettik tólemder boıynsha 40 myńǵa jýyq ótinishti óńdedi.
Búginde 608 memlekettik qyzmetti elektrondyq úkimet portaly arqyly alýǵa bolady, onyń ishinde mamandandyrylǵan bólimderdiń qyzmetteri de bar. Smartfon arqyly 60 qyzmet túrin alýǵa múmkindik bar. Osylaısha, «Azamattarǵa arnalǵan úkimet» MK KEAQ halyqtyń elektrondyq úkimet portalyn belsendi paıdalanyp, syrtqa shyqpaı-aq, bar jumysyn úıde bitirip, memlekettik qyzmetterdi onlaın alýyna jaǵdaılar jasaýda. Qyzmetterdi onlaın ala otyryp árkim ózin jáne jaqyndaryn qorǵap, ortaq qaýipsizdikke óz úlesin qosatynyn bilgen jón.
ALMATY
