Parasatty bilimdi adam ǵana óz elin órge súıreıdi. Memleket basshysy Nursultan Nazarbaev elordadaǵy №64 mektep-lıseıde oqýshylarmen kezdesýinde osyǵan ekpin berdi. Jalpy, Táýelsiz elimizdiń tuǵyryn bekemdeıtin jas jetkinshekterdiń boıyna Elbasy patrıot uǵymyn sińirip, alda turǵan qadaý-qadaý máselelerdi tarqatty. Al kesheden beri redaksııamyzǵa Prezıdent qozǵaǵan san alýan taqyrypqa baılanysty jyly lebizin bildirgen oqyrmandardan hattar kelip túsken bolatyn. Búgin de solardyń birqataryna oryn berip otyrmyz.
Aınur Orazymbetova, Qyzylorda qalasyndaǵy №176 orta mekteptiń muǵalimi
Memleket basshysy Nursultan Nazarbaev óz dárisinde ult tarıhyna qatysty keleli áńgime júrgizdi. «Týǵan jerińniń, elińniń tarıhyn bilmeıinshe, shynaıy patrıot bolý múmkin emes. Rasynda da, tarıh tek bizden bastalmaıdy. Bizge deıingi myńjyldyqtarda da adamdar ómir súrdi. Olar kimder edi, jalpy, qazaq ulty qalaı qalyptasty degendi bilip alý óte mańyzdy. Bizdiń dáýirimizge deıingi eki myńjyldyqtarda qazaq jerinde saq, ǵun taıpalarynyń ómir súrgeni tarıhtan málim. Esik qorǵanynan tabylǵan eń alǵashqy Altyn adam saq dáýirine jatqyzylady. Odan keıin elimizdiń arheologııasy úshin óte mańyzdy oqıǵalar retinde Berelden jáne Atyraý mańynan tabylǵan altyn kıimdi adamdardy aıtýǵa bolady. Elimizdiń Shyǵysynan Batysyna deıin eń kemi 3 myń shaqyrym. Osy saıyn dalada bir mádenıettiń adamdary ómir súrgeni anyq. Árıne, bul málimetter kez kelgen tarıhı derekterden tabýǵa bolatyn derekter, biraq biz úshin eń mańyzdysy – bizdiń jerimizde meken etken saq taıpasynyń, ıaǵnı arǵy ata-babalarymyzdyń álemdik órkenıetke óz qoltańbalaryn qaldyra alýynda» dedi ol. Elbasy osy arqyly ótkendi qurmetteýge shaqyryp otyr.
– Men Djon Kennedıdiń bir sózin óte jaqsy kóremin. Ol elim maǵan ne beredi dep emes, men elime ne beremin dep oılaný kerektigin aıtady. Iá, Otanǵa degen mahabbatty ispen dáleldeý kerek. Biz qazir memlekettilikti qalyptastyrý, táýelsizdikti nyǵaıtý úshin eldiń óz azamattarynyń eńbegin qajet etetin kezeńdi bastan ótkerip jatyrmyz. Árkim óz eńbegi arqyly memleketti kórkeıte bilse, sonda ǵana memleket qýatty bolady,- degen Prezıdenttiń pikiri shynynda da ózekti. О́ıtkeni, biz árqaısysymyz týǵan memleketimizdiń órkendeýi úshin jan aıamaı eńbek etýge tıispiz. Sonda ǵana elimiz zor jetistikterge jete alady. Bul oraıda jastardyń osy qaǵıdatty sanasyna sińirip óskeni kerek. Sebebi, jastar elimizdiń bolashaǵy.
Gúlbaǵym Qojahmet, Qyzylorda oblysy, Qazaly aýdanyndaǵy №25 orta mekteptiń muǵalimi
Prezıdentimiz Nursultan Nazarbaev burnaǵy kúni elordalyq oqýshylarǵa dáris oqydy. Dáris barysynda Elbasy oqýshylarǵa otandy súıýge, memlekettiń patrıoty bolýǵa úndedi.
Sonymen qatar, bilim salasyndaǵy, memlekettiń damý jolyndaǵy irgeli isterdi atap aıtty. Kezdesý barysynda ózime Memleket basshysynyń myna sózi erekshe áser etti. «Osydan biraz jyl buryn men damyǵan elý eldiń qataryna kirýdi josparlaǵan bolatynmyn. Davos forýmy elimizdiń elý eldiń qataryna kirgenin málimdedi. Biraq bul az. О́zge elder alǵa qaraı jyljyp barady. Biz nege olardy ylǵı da qýyp júrýimiz kerek? О́zge elderden jańa tehnologııalardy alyp jatyrmyz. Biraq olar bizge eskisin beretini túsinikti. Sondyqtan sol tehnologııalardy ózimiz jasaýǵa umtylýymyz kerek. Ol úshin ǵylym damýy tıis. Eger bizde ǵylym, ınjenerııa damymaıtyn bolsa, ózge elder bizge eski-qusqysyn tastaı beretin bolady. Aınalaǵa qarańyzdarshy, tehnologııalar qandaı jyldamdyqpen damyp barady. Men aqparattyq tehnologııalardy aıtyp otyrǵan joqpyn. Injenerııa, medısına, energetıka salasyndaǵy tehnologııalardyń qaryshtap damyp bara jatqany bizdi oılandyrýy tıis». Prezıdenttiń osy sózinen-aq memleketke, qazaqstandyqtarǵa úlken janashyrlyqty baıqaımyz. Nursultan Ábishuly oqýshylardyń aqparattyq tehnologııalardy kóp paıdalanatynyn, biraq olar úshin munyń onsha paıdaly emes ekenin de aıtty. Tvıtter, basqa da áleýmettik jelilerde kóp ýaqytty óltirgenshe adamdarmen kózbe-kóz sóılesýdiń, aralasýdyń anaǵurlym nátıjeli ekenin jetkizdi. «Internet arqyly dos tabý q ıyn. Al adamdarmen tikeleı aralasqan kezde onyń kóńil-kúıin, saǵan degen kózqarasyn ańǵarýǵa, ózińniń ol adamǵa degen kóńil-kúıińdi naqty jetkizýge múmkindik bar. Kompıýterdiń ishine kirip ketetindeı bop, búkil ýaqytyn sonyń aldynda ótkizetin adamdar túptiń túbinde jalǵyzdyqtan kúızeledi. Álemde sýısıd oqıǵalarynyń oryn alyp jatýy da osyǵan baılanysty bolýy múmkin. Jalpy, bilesizder me, kompıýterdiń aldynda otyratyn adamdar bar, sosyn oqıtyn adamdar bar. Keıin kompıýterdiń aldynda otyratyn adamdar oqyǵan, saýaty bar adamdarǵa qyzmet etetin bolady». Osynaý sóz arqyly Elbasy oqýshylardyń bolashaǵyn aıqyndap berdi deýge bolady.
Sáýle Rahmetova, Almaty qalasyndaǵy №148 mektep-gımnazııanyń muǵalimi
Elimizdiń tóri-Astana qalasynda Prezıdent Nursultan Nazarbaev ótkizgen tálim men tárbıe sabaǵy barsha qazaqstandyq shákirt pen ustazǵa baǵyt kórsetetin rýhanı júlge boldy dep aıtar edim. Elbasy jas urpaq ókilderimen ótkizgen kezdesýinde keleshektiń tizginin ustaıtyn azamattar qandaı bolýy kerek jáne urandy eldiń ul-qyzy qalyptasý jolyn qalaı tańdaýy kerek degen sekildi mańyzdy tárbıelik máseleni ortaǵa saldy.
Buǵan deıin ınteraktıvti taqta arqyly Qazaqstannyń barsha tálimger shákirtterine jol nusqap, jarqyn da jasampaz ómirdi nasıhat etip júrgen mundaı qadam bizdiń búgingi bilimge umtylǵan jas órenderimiz úshin asa paıdaly dástúrge aınalyp otyr.
Bizder de, qazaqstandyq ustazdar men tárbıe salasynyń qyzmetkerleri óz kezegimizde Elbasy úndegen tárbıe men bilim jolyna óz úlesimizdi qosyp, keler urpaqty telegeı tabysqa qol jetkizer soqpaqqa salamyz dep senemin. Memleket basshysy arnaıy ýaqyt bólip jastardy bilimge shaqyrýynyń ózi kóptegen jastardyń talanty men talabyn jandandyra túsedi jáne bilim jolynda ózara ádil básekege bastaıtyny anyq dep bilemiz.
Talanty men talabyn bir arnada ushtastyra bilgen elimizdiń alǵyr shákirtterimen bolǵan dáriste Memleket basshysy jas urpaqqa úlken kóńil bóletinin taǵy bir márte dáleldedi. Prezıdent elimizdiń tabıǵı baılyqtarynyń kúnderdiń bir kúni biterine, sol sebepti qazaqstandyqtardyń, sonyń ishinde jastardyń zaman talabyna saı óner men bilimge kóńil bólýine nazar aýdartyp otyrǵandyǵy qýantty. Alǵa basqan jańa zaman jańa tehnologııanyń dáýiri ekeni belgili. Soǵan oraı jastar álemdik standarttarǵa saı jańa tehnologııalardy ıgerýi tıis. Elbasy aıtqandaı, sonda ǵana biz kóshten qalmaı, básekege barynsha qabiletti damyǵan alyp memleketterdiń qataryna kiremiz.
Ińkár Sábıtqyzy, Almaty qalasyndaǵy №148 mektep-gımnazııasynyń túlegi
Memleket basshysy Nursultan Nazarbaevtyń talantty jastarmen ótkizgen tárbıe sabaǵy bizdi asa qyzyqtyrdy. Prezıdentpen kezdesken shákirtterdiń bári de túrli sporttyq jarystar men bilim olımpıadalarynyń jeńimpazdary eken..
Meni taǵy bir qýantqany, bıylǵy oqý jylyn Elbasymyz Nursultan Nazarbaevtyń dárisimen bastaǵanymyz bolyp otyr. Biz ózimizge arnalǵan mektep baǵdarlamasymen qatar jeke tirligimizde de úlken ómir jolyna qadam basyp kele jatqan urpaqpyz. Elbasynyń sabaǵy bizdi úlken iske-memlekettiń damý josparyna jol siltep otyr. Bilimdi urpaq degenimiz tek qana sabaǵyn 5-ke oqyp, sportty serik etken jas qana emes, sonymen qatar óz Otanynyń keleshegine úles qossam dep úlken aǵalar men apalarymyzdan tálim alatyn jas ulan dep bilemin. Sondyqtan da biz Qazaqstannyń álemdegi eń ozyq el bolýyna atsalysatyn bilimdi maman bolyp shyǵý jolynda oqý men úırenýden talmaıtyn izdenis jolynda bolamyz degim keledi.
Memleket basshysynyń tálim men tárbıege toly sabaǵy bizge jaqsy áser qaldyrdy. Prezıdentten sabaq tyńdaý barlyq oqýshylar úshin úlken ónege ekeni sózsiz. Nursultan Ábishuly óz ómiri men halyqqa jasap otyrǵan qyzmetin baılanystyryp aıtqan árbir ǵıbratty sózi bizdiń sanamyzda máńgilikke oryn aldy. Elimizdiń barsha oqýshysyna ol kisiniń el úshin jasap jatqan kóptegen isteri jaqsy tanys. Ásirese, jastardyń tereń bilim alyp, zaman kóshinde ózge elderdiń balalarynan kem bolmaı sapaly bilim alýyna, damyǵan elderdegideı zamanaýı tehnıkamen búgingi mektepterdi qamtamasyz etip jaǵdaı jasaǵany úshin rız amyz.
Ardaq Qasymhanov, Kókshetaý qalasyndaǵy №3 kásibı mektep-gımnazııasynyń oqýshysy
Patrıotızmniń basty arqaýy – jaýapkershilik. Nurbolat Sansyzbaı, Madııar Baqytjan, Bıbinur Kenjehanova sııaqty astanalyq synyptastarymnyń Memleket basshysynyń aldynda múdirmeı sóılep, óz oılaryn erkin jetkizýi súısindirdi. Olardyń sózderine qarap árkimniń pikiri ártúrli ekendigin, biraq pikirler alýandyǵy arqyly túpki ustanym týyndaıtynyn ańǵardym. Máselen, oqýshylar patrıotızmniń negizi eldi júrekpen súıýde, tarıhtan tálim alýda, búgingi ózgeristerge qýanyp, erteńgi kúnge senimmen aıaq basýda, jasampazdyqqa jetý úshin kóp eńbektenip, tolyqqandy bilim alýda dep biledi. Osynyń barlyǵynyń jıyntyǵy adaldyq pen jaýapkershilikke kelip saıady.
Biz Táýelsiz Qazaqstanymyzben maqtana bilýimiz kerek. Álem tanyǵan Astanamyz bizdi jańa shýaqty bıikterge bastaıdy. Bizdiń urpaq «EKSPO-2017» sııaqty jańa oqıǵalardy jasaýshylar bolatyndyǵyna senemin. О́ıtkeni, Prezıdentimizdiń oqý jylynyń alǵashqy kúni ótkizgen dárisi barshamyzdy jaýapty isterge bastaıdy, oǵan daıyndyǵymyzdy ushtap, jigerimizdi nyqtaıdy.
Aıjan Kósherbaı, Atyraý qalasyndaǵy Nazarbaev zııatkerlik mektebiniń oqýshysy
Memleket basshysy Nursultan Nazarbaevtyń astanalyq úzdik oqýshylarmen ótkizgen ǵıbratty dárisi ásirese, meniń zamandastarymdy eldi súıýge umtyldyryp, Otannyń patrıoty bolýǵa jigerlendiredi dep oılaımyn. Sebebi, Prezıdenttiń táýelsiz Qazaqstandy álemniń básekege qabiletti tanymal elderiniń qataryna qosý jolyndaǵy eren eńbegi barshamyzdy otanshyldyqqa tárbıeleıtin ónege dep bilemin.
Biz Qazaqstandaı táýelsiz elimizdi álemdegi jan-jaqty damyǵan memleketterdiń qatarynan kórýimiz úshin aldymen jaqsy bilim, sonan soń ózimiz qalaıtyn mamandyqtyń bilgiri bolýymyz kerek. Bul úshin árıne, biz erinbeı-jalyqpaı bilim alýǵa umtylamyz. Al bizdiń sapaly bilim alýymyz úshin ózim jaqynda tabaldyryǵyn attaǵan Nazarbaev zııatkerlik mektebinde barlyq jaǵdaı jasalyp otyr. Endeshe, biz jalqaýlyqtan aýlaq bolýymyz kerek.
Prezıdent eńbek etýge qulshynysy joq jalqaý adamnyń Otannyń patrıoty bolmaıtynyn basa aıtty. Al biz Otannyń patrıoty bolǵymyz keledi. Keleshekte Qazaqstannyń gúldenip, kórkeıe berýine óz úlesimizdi qosýdy kózdeımiz.
