Elbasymyz alǵa qoıǵan strategııalyq maqsat júzege asty
Gazetimizdiń osynyń aldyndaǵy nómirinde habarlaǵanymyzdaı, Qazaqstan Búkilálemdik ekonomıkalyq forýmynyń Jahandyq básekelestikke qabilettilik jónindegi bıylǵy jylǵy baǵalaýy boıynsha álemdegi eń damyǵan elý eldiń qataryna kirip otyr. Bul – Memleket basshysy Nursultan Nazarbaevtyń osydan biraz jyl burynǵy alǵa qoıǵan strategııalyq maqsatynyń júzege asqandyǵyn bildiretin el tarıhyndaǵy asa eleýli oqıǵalardyń biri. Mundaıda atam qazaq súıinshilep, jan-jaqqa jar salatyn. Alystaǵy aǵaıyn-týysqandardyń bárine at shaptyrtyp, qýanyshyn jarııa etetin. Endeshe, elimizdiń bas gazeti retinde «Egemen Qazaqstannyń» 200 myńnan astam oqyrmandaryna biz de osy jaǵymdy jańalyqty keń kólemde jetkizýdi jón kórip otyrmyz.
Elbasymyz alǵa qoıǵan strategııalyq maqsat júzege asty
Gazetimizdiń osynyń aldyndaǵy nómirinde habarlaǵanymyzdaı, Qazaqstan Búkilálemdik ekonomıkalyq forýmynyń Jahandyq básekelestikke qabilettilik jónindegi bıylǵy jylǵy baǵalaýy boıynsha álemdegi eń damyǵan elý eldiń qataryna kirip otyr. Bul – Memleket basshysy Nursultan Nazarbaevtyń osydan biraz jyl burynǵy alǵa qoıǵan strategııalyq maqsatynyń júzege asqandyǵyn bildiretin el tarıhyndaǵy asa eleýli oqıǵalardyń biri. Mundaıda atam qazaq súıinshilep, jan-jaqqa jar salatyn. Alystaǵy aǵaıyn-týysqandardyń bárine at shaptyrtyp, qýanyshyn jarııa etetin. Endeshe, elimizdiń bas gazeti retinde «Egemen Qazaqstannyń» 200 myńnan astam oqyrmandaryna biz de osy jaǵymdy jańalyqty keń kólemde jetkizýdi jón kórip otyrmyz.
Qazaqstan Búkilálemdik ekonomıkalyq forýmnyń atalǵan reıtıngine birneshe jyldardan beri qatysyp keledi. Máselen, osydan bes jyl buryn bizdiń el osy reıtıng boıynsha 67-shi orynda turǵan bolatyn. Demek, bes jyldyń ishinde 17 satyǵa kóterilgen ekenbiz. Bul – úlken jetistik. Eger sol kezdegi bizben kórshiles, odaqtas elderdiń sol kezdegi jaǵdaıyna nazar aýdaratyn bolsaq, osydan bes jyl buryn Reseı – 63-shi oryndy, Ázerbaıjan – 51-shi oryndy, Lıtva – 53-shi oryndy, Túrkııa – 61-shi oryndy, Latvııa – 68-shi oryndy, Ýkraına – 82-shi oryndy, Grýzııa – 90-shy oryndy, Tájikstan – 122-shi oryndy, Qyrǵyzstan 123-shi oryndy enshilegen bolyp shyǵady. Al endi osy elderdiń qazirgi jaǵdaıyna keletin bolsaq, Reseı bes jyldyń ishinde bir saty tómen syrǵyp, endi 64-shi orynmen qanaǵattanǵan. Ázerbaıjan 39-shy orynǵa kóterilgen. Túrkııa 44-shi orynǵa taban tiregen. Estonııa men Latvııa da alǵa basqan. Ýkraına eki orynǵa tómen syrǵyǵan. Qyrǵyzstan 121-shi oryndy qanaǵat tutqan. Grýzııa 72-shi orynda.
Tizimdegi osy jaǵdaılar Qazaqstannyń ornyqty damý ústinde ekendigin bildiredi.
Osydan bes jyl burynǵydaı jahandyq básekelestikke qabilettilik jónindegi jańa tizimdi Shveısarııa bastap keledi.
Al ótken jyldyń nátıjesine nazar aýdarsaq, Qazaqstan onda 51-shi orynǵa ıe bolyp, biz maqsat etken elýliktiń tabaldyryǵyna taban tiregen bolatyn. Endi mine, elýliktiń ishine endik. Munymen de toqtalyp qalmasymyz anyq. О́ıtkeni, Elbasymyz Qazaqstan damýynyń 2050 jylǵa deıingi strategııalyq maqsatyn aıqyndaı otyryp, endi 30 eldiń qataryna kirý talabyn alǵa qoıyp otyr. Demek, keleshek kókjıegindegi alǵa qoıǵan maqsatymyz qazirgiden áldeqaıda bıik.
Búkilálemdik ekonomıkalyq forýmnyń jańa reıtıngin jasaýshy sarapshy mamandar oǵan qatysqan 148 eldiń ishinde alǵa basqandardy atap kórsetken. Solardyń qatarynda bizdiń Qazaqstan da bar. Sonymen qatar, asa iri elderdiń jaǵdaıyna toqtala ketken. Osyndaı elderdiń qataryndaǵy Qytaı 29-oryndy enshilese, Brazılııanyń 56-orynǵa taban tiregendigin, Úndistannyń 60-orynmen qanaǵattanǵandyǵyn, Reseıdiń osydan bir jyl burynǵy kórsetkishinen 3 saty alǵa basyp, 64-orynǵa qol jetkizgendigin atap kórsetken. Sonymen qatar, burynǵy Keńes Odaǵy elderiniń arasynda Reseıdiń aldyna Estonııa men Lıtvanyń, Ázerbaıjan men Qazaqstannyń shyǵyp ketkendigin málimdegen.
Qazaqstannyń álemdi kernegen daǵdarysqa qaramastan jyl ótken saıyn júıeli túrde alǵa basyp kele jatqandyǵyn qazirgi kúni álemniń ár shalǵaıyndaǵy halyqaralyq sarapshylar nazarǵa alyp, atap kórsetýde. Olardyń birqatary bizdiń elimizde ótip jatqan halyqaralyq forýmdarǵa qatysqan kezde el jetistigin óz kózderimen kórip, soǵan degen súıs
