Osy deńgeıden túspeý maqsatynda óńirde birqatar is qolǵa alynǵan. Al kúni keshe ótken onlaın basqosýda ekinshi deńgeıli banktermen jáne «Aýylsharýashylyq nesıe korporasııasy» AQ-men «Qarapaıym zattar ekonomıkasy» jobalaryn qoldaý úshin CALL-ortalyq qurý týraly kelissóz júrgizildi. Nátıjesinde elektrondy poshta arqyly daıyn qujattardy qabyldaıtyn jáne onlaın rejımde jiberilgen túsiniktemelerdi óńdeıtin jaýapty qyzmetkerler bekitiletin boldy. Mobıldi toptarǵa kásipkerlerdiń qujattaryna qatysty týyndaǵan máselelerin tez arada sheshý jumystary júkteledi.
Oblys ákiminiń orynbasary M.Myrzalıevtiń tóraǵalyǵymen onlaın rejımde ótken aımaqtyq «Atameken» Ulttyq kásipkerler palatasy jobalyq keńseniń kezekti otyrysyna Kásipkerler jáne saýda basqarmasynyń basshysy N.Baıǵut,kásipkerler palatasynyń basshylyq quramy, ekinshi deńgeıli bank pen «Aýylsharýashylyq nesıe korporasııasy» AQ-nyń ókilderi jáne «Qarapaıym zattar ekonomıkasy» jobasynyń aımaqtyq mobıldi top músheleri qatysty. Kásipkerlerge tótenshe jaǵdaı kezinde týyndaıtyn qıyndyqtar jaıy talqylanǵan jıynda burynyraq alynǵan nesıelerdi óteýdi keıinge shegerý, «Qarapaıym zattar ekonomıkasy» jobasy aıasynda qujattardy jınaý jáne ekinshi deńgeıli bankterge ótkizý, Jobalyq keńse hatshylyǵynyń qorytyndylary, bıznes jobalardy qoldaý jumystarynyń nátıjeleri, áleýmettik mańyzy bar azyq-túlik taýarlarynyń baǵasyn turaqtandyrý jaıy jáne aýdan qalalardaǵy mobıldi toptardyń kásipkerlerge onlaın rejımde qoldaý kórsetý algorıtmderi keńinen sóz boldy.
