Ádebıet • 10 Sáýir, 2020

Qorǵanbek Amanjol: «Tájtajaldy alastaý»

590 ret
kórsetildi
1 mın
oqý úshin

«Egemen Qazaqstan» gazetiniń ardageri, aıtýly aqyn Qorǵanbek Amanjoldyń jahandy jaılaǵan indetke baılanysty jazylǵan «Tájtajaldy alastaý» óleńin nazarlaryńyzǵa usynyp otyrmyz.

Qorǵanbek Amanjol: «Tájtajaldy alastaý»

TÁJTAJALDY ALASTAÝ

Qaptaǵan qalamyzda qara vırýs,
Sarnaǵan sanamyzda san ybylys.
Jaıratyp salar muny zulpyqardaı,
Bolsaıshy qolymda bir dara qylysh.

Áı shirkin, esiń bolsa elde neń bar?
Sensiz de sandalǵan jurt, kembaǵal bar.
Dúleıden úreı keship úılerinde,
Qybyrsyz qaldy qansha janbaǵarlar.

Sirá da emessiń-aý sen jarymes,
Dúbiriń dúnıedegi tegin emes.
Qazaqtan "dana vırýs" atyn al da,
Azyraq aqylǵa kel, jónińe kósh.

Koronavırýs degen qara vırýs,
Keptelgir kómeıińe qara burysh.
Zarlatyp zaman aqyr tóndirgenshe,
Bolsaıshy saý-salamat, dana vırýs.

Ázelden adamzat pen Alash qaıǵym,
Áı tajal, óleńimmen alastaımyn.
Joǵalyp zym-zııa sen keter bolsań,
Jadymnan óshirem de, jaq ashpaımyn.

Asýda asa soqqan jelmenen kósh,
Atyrap, adyr-adyr belmenen kósh.
Sespeı qat aqyraptyń aıazynda,
Seńgirden aqtarylǵan selmenen kósh.

Já, jetti, etkeniń bul eldi sarsań,
Jaqsy atty bop qalýǵa jandy salsań.
Qaıtedi dana vırýs atanyp bir,
Halyqtan qarǵys emes, alǵys alsań...

Sońǵy jańalyqtar

Tarazda anasy eki balasyn terezeden laqtyryp jiberdi

Tótenshe jaǵdaı • Búgin, 12:50