Atyraý oblysynyń ákimdigi quqyq qorǵaý organdaryna qoldaý kórsetýin jalǵastyrýda. Oblys ákiminiń birinshi orynbasary Ǵumar Dúısembaevtyń málim etkenindeı, jyl basynan beri jergilikti qazynadan bólingen qarjyǵa 160 kólik satyp alynǵan. Oblystyq ishki ister departamentine 140 kólik tartý etilipti. Al, Konstıtýsııa kúni merekesi qarsańynda oblystyq prokýratýra men oblystyq sot ujymdary da jergilikti bıliktiń qoldaýyn sezindi.
Bul joly zańdylyqtardyń saqtalýyn qadaǵalaýshy organ men sot úkimin shyǵarýshylardyń árqaısysyna 10 avtokólikten syıǵa berildi. «Bul kóliktiń barlyǵy óz elimizdegi zaýytta shyǵarylǵan», dep málim etti ákimniń birinshi orynbasary Ǵ.Dúısembaev.
Joldasbek ShО́PEǴUL,
«Egemen Qazaqstan».
Atyraý oblysy.
Sýretti túsirgen
Rahym QOILYBAEV.
