Besqaraǵaı aýdany balalardyń jazǵy demalysyn uıymdastyrýda oblys boıynsha basqalarǵa úlgi-ónege kórsete bilýde. Aýdan ákimdiginiń uıymdastyrýymen mundaǵy mektep oqýshylary oblystan tysqary jerlerge deıin baryp jaqsy demalyp, tynyǵýda.
Osy oraıda óz múmkindigimizdi de meılinshe paıdalanyp qalýǵa tyrysyp baǵýdamyz, deıdi aýdan ákiminiń orynbasary Erbolat Rahmatýllın myrza.
Besqaraǵaı aýdany balalardyń jazǵy demalysyn uıymdastyrýda oblys boıynsha basqalarǵa úlgi-ónege kórsete bilýde. Aýdan ákimdiginiń uıymdastyrýymen mundaǵy mektep oqýshylary oblystan tysqary jerlerge deıin baryp jaqsy demalyp, tynyǵýda.
Osy oraıda óz múmkindigimizdi de meılinshe paıdalanyp qalýǵa tyrysyp baǵýdamyz, deıdi aýdan ákiminiń orynbasary Erbolat Rahmatýllın myrza.
Iá, sýynyń, balshyǵynyń quramy jóninen Reseıdiń Trýskaves, Kashıno, Morshıno, Rýsso sanatorıılerinen artyq bolmasa esh kemdigi joq ataqty Shoshqaly kóli osy aýdan aýmaǵynda. Pavlodar trassasymen júrgende aýdan ortalyǵynan júz shaqyrymǵa jeter-jetpes qashyqtyqtaǵy oǵan baryp-qaıtýdyń esh qıyndyǵy joq. О́kinishke qaraı, sondaı múmkindik kúni keshege deıin halyqtyń ıgiligine jaratylmaı keldi. Sol sebepten de bul jaqqa kelýshiler túrli qıyndyqty kórýdeı-aq kórip jatatyn. Sonymen birge, olardyń ózderi de tabıǵatty búldirip ketetinin esh jasyrýǵa bolmaıdy.
Sondaı jaǵymsyz tirlik jalǵasyp kele jatqanda kólge janashyr adam tabylypty. Atalǵan aýdanǵa sońǵy barǵan saparymyzda sol adammen – Saqan Áýbákirova esimdi erekshe janmen tanysýdyń sáti tústi. Bul kisi erterekte mal ósirýshiler brıgadıri, tipti elektr monteri bolyp ta jumys istepti. Al elimiz táýelsizdikke qol jetkizip, zaman ózgergende Saqań da ózgerip, qoǵamdyq ómirge zor qulshynyspen aralasyp ketedi.
Sóıtip, osydan on bes jyl buryn úkimettik emes uıymdardyń aýyl turǵyndaryna arnalǵan «Birlik» dep atalatyn qoǵamdyq qor ortalyǵyn quryp alady da Semeıdegi «Istok», Almatydaǵy «Ulaǵatty januıa» qoǵamdyq qorlarynyń kómegimen múgedek balalarǵa arbasha taratýmen shuǵyldanady. Qarabas aýylynyń ortalyǵynan balalarǵa arnalǵan túrli úıirmeler uıymdastyrady. О́zine jalǵa berilgen burynǵy turmys qajetin óteý úıinde tennıs ústeli de, mýzykalyq ortalyq, beınekameraǵa deıin bar. Onda qazir kelini Gúlmıra psıholog bolyp ózine kómektesip kele jatsa, sonymen birge, úsh áleýmettik qyzmetkeri jáne jumys istep jatyr.
Al ótken jyly elimizdegi taǵy bir qor arqyly úzdik jobasy úshin eki mıllıon teńgege jýyq qarajatty utyp alady. Onyń bir mıllıony qańqaly-qurastyrmaly fın úıin, qalǵany úlken kıiz úıi men úsh shatyr, basqa da dúnıe satyp alýǵa jumsalady. Bir kıiz úımen qamtamasyz etýdi aýdandyq ákimdik óz moınyna alady. Sóıtip, byltyrǵy jyly atalǵan kólde bes júz mektep oqýshysyn demaldyryp, tynyqtyrýǵa múmkindik týady. Al bıylǵy jyly munda tynyǵatyn jetkinshekter sany eki esege arttyrylmaq. Munda sonymen birge, aýdan oqýshylarynan tys Semeı, Qaraýyl, Sarjaldan júzge jýyq jas jetkinshekter demalyp úlgeripti. Jáne osy oraıda bir qadap aıtatyn jaıt sol, munda mektep oqýshylary úshin jatyn oryn tegin.
Osy oraıda Saqan syndy tynymsyz qaryndasymyzdyń kóldiń shyn mánisindegi janashyry bolyp otyrǵanyn aıta ketpeske bolmaıdy. Buryn jabylyp qalǵan bulaq kózin ashyp, sol arqyly aýyz sý, jýynyp, shaıyný máselesin sheshken de osy kisi. Kóldiń ekologııalyq turǵyda tazalyǵyn saqtaý máselesinen aýdandyq ákimdik te syrt qalyp otyrǵan joq. Sonyń aıǵaǵyndaı, aýdandyq ishki saıasat, mádenıet, tilderdi damytý jáne bilim men sport bólimderi birlese otyryp, «Besqaraǵaıdyń injý-marjanyn saqtaıyq» degen atpen ekologııalyq aksııa ótkize bastaǵanyna bıyl tórtinshi jyl. Úsh bólimnen turatyn aksııa barysynda ekologııalyq tazalyq máselesimen birge, mádenı-sporttyq sharalar qosa júrgiziletin kórinedi. Al munyń jastar úshin tárbıelik máni qanshylyqty zor ekendigi aıtpasa da túsinikti.
Osy oraıda «Semeı ormanynyń» basshysy Maqsat Muratuly Elemesovke de alǵysymyz sheksiz deıdi Saqan hanym. О́ıtkeni, bul azamat kól jaǵasyndaǵy babalarǵa arnalǵan jerdi bularǵa on jylǵa dep tegin berip otyrǵan kórinedi. Sonyń bári jas urpaq úshin. Bolmasa bul arada bir gektar jerdiń baǵasy segiz júz myń teńge kóleminde ekendigin estip bildik.
Joǵaryda Shoshqaly kóliniń emdik qasıeti Reseıdiń kóptegen shıpajaılarynan esh kem em
