Qazaqstandaǵy joǵarǵy ǵylymı uıym bolyp Qazaqstan Respýblıkasynyń Ulttyq ǵylym akademııasy sanalady. Ol 1946 jyly Qanysh Sátpaevtyń bastamasymen qurylǵan.
Sondaı-aq bul kúni ataqty ǵalym Qanysh Sátbaev dúnıege kelgen.
Qanysh Imantaıuly Sátbaev 1899 jyly 12 sáýirde Pavlodar oblysynyń Baıanaýyl aýdanynda dúnıege kelgen. Ol – Qazaqstan geologtary ǵylymı mektebiniń negizin qalaýshy, qazaqstandyq metallogenııa ǵylymynyń negizin salýshy, geologııa-mınerologııa ǵylymdarynyń doktory, professor, Qazaqstan Ǵylym akademııasyn uıymdastyrýshylardyń biri ári tuńǵysh prezıdenti, KSRO jáne Qazaqstan Ǵylym akademııalarynyń akademıgi, Tájikstan Ǵylym akademııasynyń qurmetti múshesi, qoǵam qaıratkeri, KSRO Memlekettik jáne Lenındik syılyqtarynyń laýreaty.
