Qazir Otan aldyndaǵy borynysh óteýge nıet bildirýshiler sany kóbeıip keledi. Al jaýapty iske bel býǵan erlerdiń qatarynda Qarasaı aýdanynyń azamatary alǵashqy bolyp áskerı jıynǵa qosyldy. Aýdan boıynsha borysh atqarýǵa ynta bildirgen eki júzge jýyq azamattyń jetpis segizi dárigerlerdiń tekserýinen súrinbeı ótip, qyzmet etýge qabyldandy. Eriktiler aýdandyq áskerı qorǵanys isteri jónindegi bólimniń qaraýyna ótip, Qaskeleń qalasyndaǵy №1 Balalar men jasóspirimder sport mektebinde arnaıy daıyndyqtan ótýde. Olar endi kazarmalyq jaǵdaıda 10 kúnnen 3 aıǵa deıin merzimde turaqtaıdy. Áskerıler budan ári sanıtarlyq beketterdegi kúzette kezekshilik atqaryp, indet oshaǵy men qoǵamdyq oryndardy, aýyl-aýmaqtaǵy mekeme, nysandardy zararsyzdandyryp, dárileý jumystaryna tartylady.
Olardyń alǵashqy legi «Asyl Arman» turǵyn úı keshenindegi kúzet pen turǵyndardy qajetti zattarmen qamtıtyn jedel toptardyń quramynda jumysyn bastap ta ketken eken. Qarasaı aýdanyndaǵy «Asyl Arman» turǵyn úı kesheni indet taralýyna baılanysty tolyqtaı oqshaýlanyp, karantınge jabylǵan bolatyn. Buǵan deıin bul aýmaqtan eki adamnan koronavırýs ınfeksııasy anyqtalǵan edi.
Almaty oblysy
