Mysyr bıligi naýryz aıynda úkimettik emes uıym bolyp tirkelgen «Musylman baýyrlar» qaýymdastyǵyn taratý jóninde sheshim qabyldady. Bul týraly «Al-Ahbar» gazetiniń búgingi bergen málimetine silteme jasaǵan ITAR-TASS habarlady.
«Mınıstr atalmysh sheshimdi qabyldap qoıdy, alaıda, ol týraly resmı túrde kelesi aptada ótetin baspasóz konferensııasynda jarııalanady», – dep málimdedi áleýmettik yntymaqtastyq mınıstrliginiń resmı ókili Hanı Mahana.
«Musylman baýyrlar» qaýymdastyǵy 1928 jyly quryldy. 1954 jyly Mysyr áskerı úkimeti bul qozǵalysqa tıym salǵan bolatyn. Al 2011 jyly Hosnı Múbárák qyzmetinen bosatylǵan soń, prezıdenttik saılaý nátıjesimen «Musylman baýyrlar» taqqa keldi. Islamısterdiń memleketti basqarýy halyq arasynda úlken daý-damaı týǵyzyp, ústimizdegi jyldyń shilde aıynda áskerıler Mýhammed Mýrsıdi qyzmetinen shettetti.
Qaýymdastyqty taratý jónindegi usynysty budan burynyraq Mysyr sot alqasy bildirgen bolatyn. Mysyrdyń bas prokýratýrasy Mýhammed Mýrsı men «Musylman baýyrlar» qaýymdastyǵynyń 14 jetekshisine baılanysty isti sotqa ótkizdi. Olar adamdardy qantógis pen zorlyq-zombylyqqa ıtermelegenderi úshin aıyptalýda. О́tken jyldyń 5 jeltoqsanynda Kaırdegi «Ittıhadııa» prezıdent saraıynyń aldynda kisi ólimine soqtyrǵan qaqtyǵys atalmysh aıyptyń basty kórinisi retinde qarastyrylyp otyr.
Aıdar О́risbaev.
